ABANCA e MIOPTICO acordan opcións de crédito para os asociados

  • A cadea de ópticas e a entidade financeira traballan conxuntamente nunha oferta para facilitar o acceso ao crédito aos asociados
  • Os asociados beneficiaranse tamén de tarifas especiais nos seus TPV e deixarán de abonar as comisións máis habituais grazas ao programa Cero Comisións

ABANCA e MIOPTICO Group acaban de asinar un acordo de colaboración en materia financeira, co obxectivo posto en mellorar o acceso ao crédito dos profesionais que xa conten ou desexen pór en marcha establecementos asociados.

O director xeral de MIOPTICO Group, Florent Carrière, e o director territorial de ABANCA en España, Pedro Canales, rubricaron hoxe na sede do banco en Madrid un protocolo de colaboración conxunta, que establece condicións especiais na contratación de produtos e servizos da entidade.

O convenio recolle unha oferta específica de produtos deseñados para responder ás principais necesidades dos asociados. Para a xestión diaria, ABANCA pon a disposición deste colectivo unha ampla gama de pólizas de crédito, liñas de comercio exterior, avais ou liñas de desconto. ABANCA tamén ofrece alternativas de financiamento para acometer melloras nos negocios ou pór en marcha novas iniciativas. Para este caso, os asociados contan con produtos como préstamos persoais, leasing mobiliario ou anticipos.

Os asociados de MIOPTICO beneficiaranse desde este momento de tarifas personalizadas no alta e mantemento dos dispositivos TPV. Ademais, poderán contratar bonos de TPV grazas aos que poderán coñecer a súa tarifa mensual, independentemente da facturación.

Da mesma maneira, este colectivo poderá acceder ás vantaxes do programa Cero Comisións de ABANCA, que permite deixar de pagar polo mantemento das contas e os seus cartóns, pero tamén polas transferencias, ingresos de cheques ou servizos habituais.

Por último, os asociados de MIOPTICO tamén terán á súa disposición a liña de seguros deseñada por ABANCA para os comercios, que permiten atender as súas principais necesidades. Este colectivo beneficiarase de prezos especiais nas primas. MIOPTICO conta cunha traxectoria de máis de 20 anos no sector. Na actualidade, agrupa a máis de 540 ópticas asociadas en España e Francia. ABANCA conta cunha ampla rede de oficinas e cunha oferta dirixida especialmente a atender as necesidades financeiras de autónomos, pemes e familias.