ABANCA e o Colegio de Gestores Administrativos de Extremadura colaboran para mellorar a competitividade a través do crédito
- A entidade financeira e o Colexio traballan man a man para recuperar a actividade económica e facer fronte á crise xerada pola COVID-19
- O asesoramento especializado a través de ABANCA Persoal permite ofrecer múltiples alternativas para dar solucións de financiamento e servizos, así como xestionar os investimentos dos colexiados
- ABANCA activa as liñas de financiamento do ICO e SGR nacionais para reforzar o apoio ás necesidades dos colexiados e das súas familias
O presidente do Colegio de Gestores Administrativos de Extremadura, José Manuel Mariño, e o director territorial de ABANCA en Estremadura-Sur, Óscar Salgado.
A vicepresidenta do Colegio de Gestores Administrativos de Extremadura, María del Carmen Mejías; o presidente do Colegio, José Manuel Mariño; o director territorial de ABANCA en Estremadura-Sur, Óscar Salgado; e o director de Zona en Cáceres, Benjamín Gómez.
ABANCA e o Colegio Oficial de Gestores Administrativos de Extremadura unen esforzos para dar un importante impulso ao gremio dentro da comunidade a través dun traballo conxunto que pretende dar respostas á situación económica xerada pola pandemia da COVID-19.
O crédito é un dos principais protagonistas do texto que foi asinado esta mañá en Cáceres polo presidente do Colegio Oficial de Gestores Administrativos de Extremadura, José Manuel Mariño, e o director territorial de ABANCA en Estremadura-Sur, Óscar Salgado.
As liñas de financiamento de ABANCA crecen ata ofrecer unha ampla gama de produtos ideados tanto para as melloras competitivas como para os novos investimentos. No texto recóllense unha extensa gama de solucións, como préstamos persoais e hipotecarios ou o leasing mobiliario. Todos eles contarán con amplos prazos de amortización, posibilidade de incluir carencias e xuros competitivos.
Con esta nova alianza preténdese dar resposta ás necesidades máis inmediatas do colectivo para adaptarse ás demandas da actividade diaria. Os colexiados terán tamén outros produtos e servizos á súa disposición, como pólizas de crédito, liñas de desconto comercial, avais, confirming ou factoring.
As alternativas de crédito tamén irán destinadas á formación e o desenvolvemento profesional, polo que os colexiados e os seus descendentes terán acceso a préstamos para programas de formación en universidades e centros formativos públicos e privados. Así mesmo, o acordo detalla unha serie de respostas que lles permitirán facer fronte á crise sanitaria e aos seus efectos económicos derivados, grazas ás liñas oficiais de financiamento do ICO e SGR nacionais.
Un servizo máis próximo e persoal
Mediante este acordo, o banco ofrece o seu servizo de ABANCA Persoal para dar cobertura ás necesidades personais e familiares dos colexiados. Esta unidade especializada ofrece respostas a medida de asesoramento e xestión integral das necesidades, co foco posto nos investimentos.
Os adheridos a este convenio e as súas familias terán acceso ao Programa Cero Comisións de ABANCA, que lles permitirá deixar de pagar polo mantemento das contas e tarxetas, pero tamén polas transferencias, ingresos de cheques ou otros servizos habituais.