ABANCA e o CRDO Ribeira Sacra preparan o inicio da campaña cunha oferta de crédito adaptada
- O banco e o consello regulador firman un convenio que dá ferramentas a bodegas e viticultores para cumprir as exixencias e afrontar os retos
- A entidade financeira canaliza a través de Banca Agro o seu apoio ao sector e suma un novo axente de relevancia tras o acordo alcanzado coa DO Valdeorras
O director de ABANCA Agro, Jesús Combarro Pereira; o director de zona de ABANCA en Lugo Sur, Alberto López Sánchez; e o presidente do CRDO Ribeira Sacra, José Manuel Rodríguez González.
Descarga en alta resolución Serás redirixido a outro sitio web e abrirase nunha nova ventá
ABANCA e o Consello Regulador Denominación de Orixe Ribeira Sacra estreitan un ano máis o seu traballo conxunto no sector vitivinícola, tras renovar o seu convenio de colaboración. Un texto de base que recolle as necesidades do sector e que está dispoñible para o inicio da campaña de vendima.
A firma tivo lugar esta mañá en Monforte de Lemos e contou coa presenza do presidente do CRDO Ribeira SacraSerás redirixido a outro sitio web, José Manuel Rodríguez González, e do director de zona de ABANCA en Lugo Sur, Alberto López Sánchez. Na rúbrica tamén participou o director de ABANCA AgroSerás redirixido a outro sitio web, Jesús Combarro Pereira.
ABANCA reforza con este acordo o seu vínculo co primario galego e, especificamente, co mundo do viño. Un sector con grande impacto na comunidade e que enfronta nas vindeiras semanas o seu período máis crítico, a vendima. Desta maneira, ABANCA activa opcións de crédito para adegas e viticultores neste arranque da campaña.
A oferta sectorial vitivinícola de ABANCA inclúe alternativas de crédito que permiten cumprir as exixencias e afrontar os retos máis perentorios. Coordinado coa división ABANCA Agro, lánzase unha póliza de crédito que pode estenderse ata cinco anos e que mitiga os efectos da entrada en vigor da Lei 12/2013 de medidas para mellorar o funcionamento da cadea alimentaria. Grazas a este produto, as adegas poden facer fronte ao pagamento da uva aos viticultores nun prazo inferior a 30 días, tal e como se estipula neste texto.
O convenio pon tamén a disposición dos integrantes desta denominación de orixe diversos produtos de crédito pensados especificamente para afrontar a obrigatoriedade de pasar a ITV ás máquinas e equipos de aplicación fitosanitarios. Trátase de préstamos ou leasings para acometer a reparación ou a adquisición de nova maquinaria.
Como novidade, esta renovación do convenio de colaboración dá entrada a unha oferta específica en materia de seguros, con respostas tanto para produtores (liña para explotacións vitivinícolas, seguro de saúde colectivo e seguro de accidentes colectivo), como para adegas (seguro pemes adegas).