ABANCA e o Máster Universitario en Ciencias Actuariales y Financieras organizan o V Seminario MUCAF-ABANCA

  • Está dirixido principalmente ao alumnado e profesorado da Universidad de León, a Universidad de Oviedo, profesionais que desexen actualizar os seus coñecementos e demais persoas interesadas
  • A actividade é gratuíta e terá lugar o 18 de decembro

Descarga en alta resolución Serás redirixido a outro sitio web e abrirase nunha nova ventá

ABANCA e o Máster Universitario en Ciencias Actuariales y Financieras da Universidad de León (MUCAF) colaboran por quinto ano consecutivo na organización do Seminario MUCAF-ABANCA, unha iniciativa que contribúe á formación do alumnado que cursa esta titulación, ao que este ano se suman os estudantes da Universidade de Oviedo.

A actividade está aberta tamén a alumnos e alumnas doutras titulacións das facultades de Ciencias Económicas e Empresariais, así como a profesores e investigadores vinculados a estas especialidades. Así mesmo, poden asistir os profesionais que desexen actualizar os seus coñecementos e calquera outra persoa interesada nos temas que se van a abordar.

O V Seminario MUCAF-ABANCA, codirixido pola coordinadora do MUCAF, Carmen González Velasco, e o director territorial de ABANCA en Castilla y León, Asturias e Cantabria, Marcos Lamas Seoane, desenvolverase en formato videoconferencia o día 18 de decembro, en horario de 18.00 a 20.00 horas.

Na sesión están previstos dous relatorios. No primeiro, o coordinador de Vida Aforro e Previsión de ABANCA Seguros, Jesús de Juana de la Salud, compartirá as súas reflexións sobre a Previsión Social Complementaria na actualidade, e no segundo, a directora de Banca Persoal de ABANCA en Castilla y León, Asturias e Cantabria, Susana Bermejo Lorente, abordará as perspectivas económicas para o ano 2025 e os retos do mercado.

Inscrición

As persoas que desexen inscribirse poden facelo ata o martes 17 de decembro, ás 11.00 horas, enviando un correo electrónico á coordinadora do MUCAF, Carmen González Velasco, cuxa dirección é carmen.gvelasco@unileon.es. Unha vez solicitada a inscrición, que será gratuíta, recibirán nos seus correos electrónicos a invitación de acceso á sesión en liña, que será a través de Google Meet.

ABANCA, comprometida coa educación

A colaboración de ABANCA co Máster en Ciencias Actuariales y Financieras da Universidad de León remóntase ao curso 2016-2017, cando comezou a impartirse esta titulación, e enmárcase no compromiso do banco por ofrecer propostas formativas de calidade que poidan complementar a formación que reciben tanto os escolares como os estudantes universitarios ao longo da súa vida académica, de modo que poidan dispoñer de todos os recursos necesarios para desenvolverse persoal e profesionalmente.

En concreto, o banco realizou unha forte aposta pola educación financeira e desde 2015 leva a cabo un amplo programa de actividades que buscan mellorar os coñecementos e as habilidades financeiras da poboación desde idades temperás. As diferentes iniciativas que comprende o programa continúan incrementando o seu alcance grazas á combinación de actividades presenciais con outras en formato dixital. O curso pasado estas propostas chegaron a 202.492 persoas.

Máis información na páxina web do MUCAF: https://mucaf.unileon.es/el-v-seminario-mucaf-abanca-se-centrara-en-la-prevision-social-complementaria-y-perspectivas-economicas/