ABANCA e os armadores de Burela colaboran para responder ás demandas do sector co foco posto na sostibilidade
- A entidade financeira e Armadores de Burela, S.A. traballan en conxunto para facer fronte aos retos do sector
- O banco pon a disposición dos armadores a súa unidade especializada ABANCA Mar
De esquerda a dereita: o director de zona de ABANCA na Mariña, Carlos Teijeiro; o xerente de ABSA, Miguel Neira; o presidente de ABSA, Abelardo Basanta; o director territorial de ABANCA en Lugo, Javier Soto; e o director de ABANCA Mar, Javier Fraga.
Descarga en alta resolución Serás redirixido a outro sitio web e abrirase nunha nova ventá
ABANCA e Armadores de Burela, S.A. (ABSA), firmaron un acordo de colaboración que sitúa a sostibilidade no foco principal e que busca dar resposta ás demandas do día a día dun sector fundamental para a economía da Mariña.
El director territorial de ABANCA en Lugo, Javier Soto, foi o encargado de asinar o acordo co presidente de Armadores de Burela S.A., Abelardo Basanta. Ao acto, que tivo lugar en Burela coincidindo coas XXIX Xornadas Técnicas de Expomar, tamén asistiron o xerente de ABSA, Miguel Neira; o director de ABANCA Mar, Javier Fraga, o coordinador da mesma unidade, Miguel Ríos; e o Director de Zona de ABANCA na Mariña, Carlos Teijeiro. Durante a rúbrica, ambas entidades manifestaron a trascendencia da firma nun momento especialmente marcado pola dobregación da situación creada pola Covid-19 e polo incremento do coste dos insumos.
O acordo busca, entre outras cousas, facilitar ao sector pesqueiro produtos e servizos financeiros específicamente deseñados para el, pero tamén permitirá aos armadores aproveitar a oportunidade dos fondos europeos de recuperación Next Generation, especialmente para abordar proxectos de sostibilidade, dixitalización, eficiencia enerxética ou descarbonización. Todo isto será tramitado a través da unidade específica de ABANCA, Next Generation, que agrupa toda a experiencia e coñecemento para a súa tramitación.
Sostibilidade integral
O convenio pon el foco especialmente na mellora da sostibilidade integral do sector e, deste modo, ambas entidades dan impulso a un dos desafíos principais da actividade marítima: a renovación da frota e a substitución das embarcacións actuais por outras que sexan máis eficientes e respetuosas co medioambiente, pero que tamén ofrezan mellores condicións de habitabilidade a bordo, obxectivo posible grazas á hipoteca naval.
Por outro lado, o documento recolle unha serie de condicións específicas na contratación doutros produtos e servizos do banco. Tamén detalla un catálogo extenso de financiamento con liñas e solucións de crédito deseñadas pola unidade especializada ABANCA Mar, que teñen como obxectivo principal responder aos problemas xerados pola actividade diaria, a promoción do relevo xeracional, ou o anticipo de subvencións do Fondo Europeo Marítimo Pesqueiro (FEMP).
O acordo recolle outros produtos creados a medida que permiten a mellora da competitividade dos asociados, como as pólizas de crédito, préstamos persoais ou hipotecarios, leasing mobiliario, avais, seguros especializados ou anticipo de inversións sostibles.
A través da firma deste acordo, ABANCA mostra, unha vez máis, o seu compromiso coa economía lucense e, especialmente, co sector do mar, que constitúe un piar esencial para Galicia.