ABANCA e os principais sindicatos agrarios leoneses reforzan a súa estratexia para facer fronte aos novos desafíos do sector
- O banco renova o acordo cos principais sindicatos agrarios de León e redobra esforzos na recta final da PAC
- As entidades consolidan estratexias comúns ante o desafío do incremento dos costes dos insumos
- A sostibilidade e a mellora competitiva das explotacións sitúanse no centro da colaboración
O coordinador de ABANCA Agro en Castela e León, Alfonso García, e o secretario xeral de ASAJA León, José Antonio Turrado, durante a firma do acordo.
O coordinador de ABANCA Agro en Castela e León, Alfonso García, e o secretario xeral de UCALE COAG León, Apolinar Castellanos, na firma do convenio.
O presidente de UCCL León, Juan Antonio Rodríguez, e o coordinador de ABANCA Agro en Castela e León, Alfonso García.
O coordinador de ABANCA Agro en Castela e León, Alfonso García, e o secretario xeral de UGAL-UPA, Matías Llorente.
Un ano máis, ABANCA reforza o seu compromiso co sector primario leonés e traza unha estratexia común con ASAJA León, UGAL-UPA León, UCALE-COAG León y UCCL León, que ten como obxetivo principal facer fronte aos novos retos e desafíos aos que se enfrontan, como a escaseza de precipitacións e especialmente o incremento do coste dos insumos, disparados nas últimas semanas.
O coordinador de ABANCA Agro en Castela e León, Alfonso García, foi o encargado de asinar co secretario xeral de ASAJA León, José Antonio Turrado; co secretario xeral de UGAL-UPA, Matías Llorente; co presidente de UCCL León, Juan Antonio Rodríguez; e co secretario xeral de UCALE COAG León, Apolinar Castellanos, os respectivos acordos de colaboración que ofrecen aos agricultores asociados unha proposta con produtos e servizos deseñados a medida.
Os convenios recollen unha serie de fórmulas de crédito deseñadas específicamente para os agricultores que forman parte dos sindicatos e reflicten o compromiso dos mesmos coa sostibilidade a través dunha ampla oferta de produtos e servizos do banco, como préstamos persoais ou leasing mobiliario con amplos prazos de amortización e tarifas bonificadas para inversións vinculadas á sostibilidade. Isto permitirá a renovación e modernización da maquinaria e dos cultivos e facilitará a implantación de sistemas de enerxías renovables. O acordo evidencia, unha vez máis, o compromiso de ABANCA coa sostibilidade, que se sitúa no centro das súas accións de negocio.
Outros dos puntos clave nos que se fai especial fincapié no acordo son o anticipo colleira e o préstamo de campaña para facer fronte aos gastos habituais da próxima campaña, que este ano incrementáronse exponencialmente pola inestabilidade económica en Europa. Así mesmo, os agricultores terán á súa disposición unha liña específica de financiamento de seguros agrarios, que permite fraccionar o pago ata en 12 mensualidades, e outros produtos especializados, como a póliza de crédito cun prazo de ata cinco anos, liñas de confirming, avais e liñas de desconto.
O acordo detalla a tramitación por parte de ABANCA das liñas de financiamento oficiais do ICO, FEI e SAECA e recolle o Instrumento Financiero de Gestión Centralizada (IFGC), que incorpora un aval de ata o 80% por parte da Administración en accións, como a compra de fincas que realicen agricultores novos, financiamento de activos mobiliarios ou inmobiliarios, así como as necesidades de liquidez sen vincular a inversións. Os membros destes sindicatos poderán gozar das vantaxes que lles ofrece o Programa Servizos ABANCA, que permite aforrar no pagamento dos servizos bancarios máis habituais. Tamén destaca a liña de financiamento específica para seguros agrarios a tipo de interés 0% e cunha comisión de apertura moi competitiva para facilitar o aseguramento e minimizar as perdas por inclemencias meteorolóxicas.
Na recta final das PAC
A firma destes acordos lévase a cabo na recta final da campaña de solicitude das axudas PAC. Este ano cobra especial importancia a súa tramitación, xa que será a base para as solicitudes da próxima reforma da PAC 2023-2027. Tanto o banco como os sindicatos, traballarán na súa tramitación para axilizar a domiciliación dos pagamentos e ofrecer alternativas de crédito para o seu anticipo. Os agricultores novos terán acceso a alternativas de crédito adaptadas antes de dispoñer dos fondos. Grazas a este anticipo, os beneficiarios poderán optar ata ao 90% do importe da axuda de forma rápida. Así mesmo, para axilizar a tramitación destes anticipos, ABANCA simplificou los trámites para facilitar o acceso ás principais liñas de financiamento de circulante por un importe de ata 100.000 euros para anticipos das axudas PAC, o financiamento de primas de seguros agrarios ou os gastos de campaña.
A través da renovación destes acordos, un ano máis, ABANCA mostra o seu apoio á economía leonesa e especialmente ao sector primario, que constitúe un pilar fundamental na economía da zona.