ABANCA e RC Celta reforzan a súa colaboración institucional cun acordo para os vindeiros 10 anos

04-06-2018

Carlos Mouriño, presidente do Real Club CeltaSerás redirixido a outro sitio web e Francisco Botas, conselleiro delegado de ABANCASerás redirixido a outro sitio web, presentaron este mediodía no Salón rexio da Sede un novo acordo que reforza a colaboración institucional entre ambos e renova os termos do patrocinio deportivo. O plan polo que ABANCA convértese na entidade financeira de referencia e main partner do RC Celta, contempla unha colaboración estable durante os vindeiros 10 anos e un cambio no nome do estadio que pasará a chamarse comercialmente ABANCA Balaídos.

O presidente do RC Celta indicou que “para nós é importantísimo estar coas grandes empresas e de máis éxito de Galicia". Mouriño engadiu que este acordo con ABANCA "estámolo a facer para construír un RC Celta máis grande, en beneficio de Vigo e de Galicia". "É importantísimo este acordo con ABANCA, queremos recoller o espírito de colaboración que sempre tivemos e seguimos tendo", concluíu.

Pola súa parte, Francisco Botas manifestou tras a firma que “somos unha entidade que pensa sempre no longo prazo e na continuidade dos proxectos que apoiamos. O acordo que hoxe presentamos comparte ese mesmo espírito de estabilidade e unha proba de que o RC Celta é para ABANCA un compañeiro de viaxe a longo prazo”.

Reforzo institucional e novo acordo publicitario

O novo acordo de colaboración amplía o alcance e a duración temporal do actual. Ademais de pasar a formar parte do nome do estadio, a marca ABANCA estará nas costas da camiseta do RC Celta, na roupa de paseo e adestramento, no estadio e no campo de adestramento, no autobús, e un gran número de soportes publicitarios máis.

Ademais refórzase a colaboración institucional entre a entidade financeira e o club vigués e as accións promocionais con xogadores do primeiro equipo.

ABANCA co mundo do deporte: da base á elite

ABANCA está plenamente implicada no mundo do deporte desde a base ata a elite polo convencemento da filosofía de traballo e os valores que transmiten estas prácticas a todas as xeracións. Conxuntamente coa Fundación Deporte Galego, a entidade financeira mantén un plan quinquenal de impulso que se compromete directamente coa sostibilidade económica destes clubs. Na súa última edición, presentada a pasada semana, o apoio de ABANCA chega a 158 conxuntos galegos de distintas disciplinas deportivas nos que practican deporte máis de 10.000 nenos e nenas.

ABANCA tamén xoga un papel protagonista no deporte de alta competición, onde apoia de forma activa aos principais clubs galegos que disputan ligas de elite. Ao longo do mes de xuño presentarase a imaxe do novo nome do estadio.