ABANCA estreita a súa colaboración con dúas das principais denominacións de orixe cacereñas
- A entidade financeira achégase aos retos do CRDOP Pimentón de La Vera e Picota del Jerte DOP e ofrece unha oferta adaptada
- O banco pon en valor a súa rede comercial de proximidade e a súa experiencia no sector primario, onde conta coa unidade especializada ABANCA Agro
- ABANCA deseña produtos facer fronte aos efectos económicos da pandemia, pero tamén para impulsar os investimentos estratéxicos
O director executivo de Rede Comercial de ABANCA, Gabriel González Eiroa (terceiro pola dereita) durante a sinatura dos convenios.
Descarga en alta resolución Serás redirixido a outro sitio web e abrirase nunha nova ventá
ABANCA avanza no seu compromiso co sector primario de Estremadura e estreita lazos con algunhas das principais denominacións de orixe protexidas da comunidade. A entidade asina un acordo estratéxico de colaboración para abordar as necesidades dos seus produtores e elaborar alternativas a medida para afrontar tanto as necesidades derivadas da pandemia como as súas propostas futuras.
Este acordo transversal foi asinado en paralelo polo director executivo de Rede Comercial de ABANCA, Gabriel González Eiroa, coa presidenta do CRDOP Pimentón de La Vera, Teresa Bartolomé, e co presidente de Picota del Jerte DOP, Emilio Sánchez. Á sinatura, organizada na sede da entidade financeira en Cáceres, tamén asistiron o director territorial de ABANCA en Estremadura/Sur, Óscar Salgado, o director de zona de ABANCA en Cáceres, Benjamín Gómez, e o coordinador de ABANCA Agro na rexión, Roberto Torres.
Este impulso permite a ABANCA ofrecer unha proposta única para dúas das denominacións de orixe máis representativas da provincia, que proxectan no exterior a imaxe duns produtos moi recoñecidos e valorados. O acordo atalla algúns dos retos que presenta a situación sanitaria actual e os seus efectos sobre a economía a través do financiamento oficial da liña ICO COVID-19.
Pero ademais desta resposta adaptada á situación, os acordos reivindícanse como un poderoso aliado tanto para facer fronte ás necesidades máis perentorias, como para propostas de futuro comprometidas coa mellora da competitividade do sector primario. Os membros destas denominacións de orixe de Cáceres xa teñen acceso á oferta sectorial do banco, que inclúe produtos como préstamos persoais ou leasing para o sector agrogandeiro, con longos prazos que poden chegar ata os 12 anos. Opcións ideais para afrontar os investimentos e impulsar procesos clave como a renovación de maquinaria, a modernización de cultivos ou a introdución de enerxías renovables.
Xunto a estas propostas vinculadas á mellora competitiva, tamén destacan outras solucións que forman parte do día a día. Entre estes produtos destaca a póliza de crédito cun prazo de ata cinco anos, que ofrece liquidez e reduce os custos de formalización ao longo do seu período. Unhas propostas que se engaden a outros produtos moi demandados como o anticipo da colleita ou o préstamo da campaña, que completan un atractivo catálogo que inclúe tamén liñas de comercio exterior, confirming, factoring, avais ou liñas de desconto. Todo isto sen esquecer a liña de seguros agrícolas do banco, que permite o seu pago fraccionado ata 12 meses sen xuros e co único custo dunha comisión de apertura.
O acordo con estas importantes denominacións de orixe retoma o camiño iniciado hai uns meses con dúas importantes cooperativas agrícolas en Estremadura e é o paso previo a novos acordos con outros consellos reguladores da rexión. En definitiva, supón un apoio estratéxico a toda a cadea de valor dun sector clave para a economía da provincia que a entidade financeira pon en marcha grazas á experiencia da súa unidade especializada ABANCA AgroSerás redirixido a outro sitio web.