ABANCA facilita o acceso ao crédito aos asociados de Avilesina de Transportes
- O banco e a cooperativa asturiana firman un convenio de colaboración que inclúe produtos de financiamento especificamente deseñados para este colectivo
- Os transportistas tamén poderán eliminar as comisións máis habituais a cambio dunha mínima vinculación
O presidente de Avilesina de Transportes, José Francisco González, e o director de zona de ABANCA en Asturias, José María Jardón.
Descarga en alta resolución Serás redirixido a outro sitio web e abrirase nunha nova ventá
ABANCA e a Cooperativa Avilesina de Transportes acaban de asinar un convenio financeiro co obxectivo de facilitar o acceso ao crédito dos profesionais que exercen a súa actividade nesta empresa.
O presidente de Avilesina de Transportes, José Francisco González, e o director de zona de ABANCA en Asturias, José María Jardón, rubricaron hoxe un acordo que renova a aposta que mantén a entidade financeira co tecido empresarial do Principado.
O convenio facilita que os profesionais que forman parte de Avilesina de TransportesSerás redirixido a outro sitio web accedan a unha ampla oferta financeira con condicións melloradas respecto ao mercado. Así, os asociados poderán contratar produtos como préstamos hipotecarios, avais, factoring ou desconto comercial.
Os transportistas tamén terán á súa disposición as opcións de crédito oficiais contempladas nos convenios oficiais firmados co ICO. A entidade tamén porá a disposición deste colectivo xestores especializados en materia de seguros ou banca electrónica.
Ademais, o documento firmado pon á súa disposición as vantaxes que ofrece o Programa Cero Comisións de ABANCASerás redirixido a outro sitio web, que permite deixar de pagar polo mantemento das contas e tarxetas, pero tamén polas transferencias, ingresos de cheques ou outros servicios habituais.
Avilesina de Transportes naceu no 1962 e é unha das cooperativas de referencia no sector en Asturias. Na actualidade conta con 140 socios e unha flota de 150 camións. ABANCA, pola súa parte, é a entidade financeira de referencia no noroeste español, cunha rede de case 700 oficinas e unha clara orientación cara ao tecido empresarial.