ABANCA impulsa o comercio galego cunha oferta integral para o sector e a súa clientela

  • A entidade sorteará entre os clientes premios de compras gratis
  • O Plan arranca cun acordo financeiro coa Federación Galega de Comercio

ABANCA acaba de poñer en marcha o Plan de Dinamización do Comercio Galego, unha iniciativa dirixida a impulsar as ventas neste segmento económico clave para o tecido produtivo de Galicia. A entidade pon a disposición do sector unha oferta integral de produtos e servizos, con condicións especiais de financiamento tanto para os establecementos coma para a súa clientela.

Unha das medidas que contempla o plan é a rebaixa ao pequeno comercio galego en máis dun 50% da taxa polas vendas que realicen a través de Terminais no Punto de Venda (TPV) da entidade. ABANCA aplicará a partir do 1 de setembro unha tarifa bonificada sobre a facturación dos comercios.

O Plan ABANCA de Dinamización do Comercio Galego foi presentado esta mañá en Santiago de Compostela coincidindo coa sinatura dun acordo de colaboración entre o banco e a Federación Galega de Comercio (FGC), na que participaron o director xeral de Negocio España de ABANCA, Luis Beraza de Diego, e o presidente da FGC, José María Seijas.

O Plan contempla tamén a promoción Compras Gratis, mediante a cal os clientes que paguen nos establecementos con tarxeta de ABANCA a través dun TPV da entidade poderanse beneficiar da súa compra gratis no momento do pago da mesma. A campaña dará comezo despois do verán.

Aprazamento de compras sen xuros

A iniciativa de ABANCA inclúe, ademais, una oferta financeira personalizada para o sector e produtos de financiamento para a clientela, como Crediventa ou Servizo Compras Especiais, que posibilitan o aprazamento das compras sen xuros e permiten ao pequeno comercio competir coas grandes superficies.

"O noso Plan incorpora unha oferta excelente, a mellor solución do mercado para o comercio galego, tanto por condicións como pola amplitude de soluciones que contempla. Con esta acción estamos axudando aos comercios a vender aprazando as compras dos seus clientes e tamén lles axudamos a se financiar cunhas condicións únicas. O único que pedimos aos comercios é que traballen con ABANCA. Neste momento, máis de 17.000 comercios galegos xa son clientes da entidade, pero aspiramos a poder estender a nosa oferta a todo o colectivo”, explicou Luis Beraza.

Acordo coa FGC

O Plan inclúe tamén acordos de colaboración con máis de medio cento de asociacións de comerciantes galegas, entre os que destaca o convenio subscrito hoxe coa Federación Galega de Comercio, que serve de despegue da iniciativa.

O acordo entre ABANCA e a FGC conta con outras vantaxes para os asociados, como préstamos a xuro cero para anticipo de subvencións ou para o pago de impostos ou seguros sociais. Ademais, os comercios poderanse beneficiar dunha rebaixa significativa nos aprazamentos de vendas con TPV a través do Servizo Compras Especiais.

ABANCA pon tamén a disposición dos establecementos adheridos á FGC a Conta Solucións, sen comisións, que permite, entre outras vantaxes, o pago de nóminas gratuíto  través da banca electrónica da entidade. A oferta do banco a estes comerciantes complétase coa Póliza Seguro Comercio, outro produto deseñado ad hoc para este colectivo.