ABANCA inaugura en Santiago a exposición ‘José María de Labra. Correspondencias’
- A mostra reúne 55 obras que permiten revisar en clave contemporánea a traxectoria deste artista galego, fundamental no desenvolvemento da abstracción en España
- A exposición estará aberta ao público no Centro Obra Social ABANCA ata o próximo 30 de agosto
Comisarios, representantes da Colección ABANCA e artistas que cederon obra para a exposición, durante o acto de apertura da mostra.
Descarga en alta resolución Serás redirixido a outro sitio web e abrirase nunha nova ventá
ABANCA inaugurou en Santiago de Compostela a exposición ‘José María de Labra. Correspondencias’Serás redirixido a outro sitio web, unha nova proposta cultural que busca reinterpretar desde unha mirada actual a obra deste artista galego, figura fundamental na evolución da arte abstracta en España durante a segunda metade do século XX.
Trátase do segundo proxecto impulsado polo banco dentro do ciclo de exposicións iniciado en 2023 coa mostra dedicada ao lucense Tino Grandío. Esta iniciativa ten como obxectivo explorar a obra de creadores presentes na Colección de Arte ABANCASerás redirixido a outro sitio web cuxa linguaxe artística foi clave para comprender a evolución da creación contemporánea en Galicia e a nivel global.
O protagonista nesta ocasión é José María de LabraSerás redirixido a outro sitio web (A Coruña, 1925 - Palma de Mallorca, 1994), unha figura que marcou o avance da arte abstracta no noso país co seu traballo creativo, caracterizado por unha procura constante da unión entre a arte e a arquitectura.
Para a exposición, comisariada por Mónica Maneiro e Iñaki Martínez Antelo, da Cooperativa Performa, seleccionáronse en total 55 obras. Parte delas proceden das coleccións de arte de ABANCA e Afundación, e outras foron cedidas por diferentes organizacións públicas, galerías de arte e coleccionistas privados. Ademais, a mostra inclúe tamén pezas creadas especificamente para a ocasión, promovendo un diálogo contemporáneo coa obra de Labra.
Para poder achegar a figura de José María de Labra ao noso presente, convidouse a formar parte da mostra a artistas doutras xeracións, con especial protagonismo das creadoras e creadores galegos que teñen na figura de Labra a un dos seus referentes. Entre eles, os artistas galegos Pablo Barreiro, co seu traballo de moldes e repetición; Almudena Fernández Fariña, coa súa inspiración directa sobre a arquitectura e a súa historia; Tatiana Medal, coas súas pinturas abstractas de gran formato; a simplicidade directamente ligada aos principios da abstracción xeométrica de Kiko Pérez, ou a abstracción unida á linguaxe musical de Ana Pérez Ventura.
A proposta complétase coa presenza doutras figuras da arte española actual, que acompañan cos seus traballos as obras que se expoñen de José María de Labra. Así, na mostra atopamos as pinturas gráficas e cheas de cor de Arancha Goyeneche, os obxectos desmembrados e reconvertidos en escultura de Hisae Ikenaga ou un diálogo directo entre as celosías de Labra e o traballo de Belén Rodríguez.
Destacan especialmente as creacións específicas realizadas para esta exposición polos artistas Gloria García Lorca, cunha obra en papel pensada para a sala de ABANCA, as pezas escultóricas de Carlos Maciá, en diálogo directo co espazo e a escultura de José María de Labra, e a homenaxe realizada ao artista coruñés por Robert Ferrer i Martorell, procedente de Mallorca, lugar no que Labra pasou os seus últimos días.
Horario
‘José María de Labra. Correspondencias’ estará aberta ao público no Centro Obra Social ABANCA de Santiago de Compostela desde o 1 de abril ata o 30 de agosto, en horario de luns a sábado, de 16.00 a 20.00 horas. Os domingos e festivos permanecerá pechada.