ABANCA inicia a quinta edición do seu Programa para startups
- O programa de apoio ao emprendimiento tecnolóxico está orientado a calquera tipo de startup no sector fintech, insurtech, regtech ou cibersecurity
- Este ano, como novidade, realizaranse dúas sesións de formación ou bootcamps e haberá dous prazos para inscribirse
- A primeira convocatoria permanecerá aberta até o 30 de xullo a través da web de ABANCA Innova
Descarga en alta resolución Serás redirixido a outro sitio web e abrirase nunha nova ventá
ABANCA vén de abrir a quinta edición do Programa para startups ABANCA Innova, orientado a calquera tipo de startup no sector de fintech, insurtech, regtech ou cibersecurity, desde aquelas que estean en etapas moi temperás ata aquelas máis desenvolvidas.
O Programa para Startups de ABANCA Innova mantén a formulación das catro edicións anteriores, isto é, acompañar aos emprendedores no proceso de desenvolvemento da súa idea a través dun amplo programa que culminará coa realización dunha proba de concepto que valide o seu modelo de negocio.
A cuarta edición do Programa finalizou este ano co desenvolvemento de tres probas piloto coas startups Ironchip, Kycredit e BigleLegal en conxunto coas áreas de Fraude e Asesoría Xurídica da entidade financeira.
Novidades no período de inscrición
Como novidade, durante esta quinta edición, realizaranse dúas sesións intensas de formación ou bootcamps. As startups que presenten a súa candidatura ao programa antes do 30 de xullo terán a posibilidade de ser seleccionadas para participar no primeiro bootcamp, que se realizará durante o mes de setembro.
Todas aquelas startups que presenten a súa candidatura entre o 1 de agosto e o 7 de novembro, serán consideradas para participar no segundo bootcamp desta quinta edición, que levará a cabo no mes de decembro.
Para inscribirse no programa é necesario cubrir o formulario habilitado na web de ABANCA Innova. O equipo de ABANCA Innova será o encargado de estudar cada candidatura e seleccionar aquelas startups que participarán en cada bootcamp.
Bootcamps, masterclass e os tradicionais ‘Café Fintech’
Durante cada sesión intensiva de formación ou bootcamp, cada startup realizará ata catro sesións individuais privadas, denominadas ‘Mentoring Rounds’, nas que participa o equipo promotor do proxecto e as áreas de Negocio, Innovación, IT e Investments de ABANCA.
O obxectivo da sesión de mentoring round co equipo de Innovación será analizar o deseño da proba de concepto; no caso da sesión con IT, analizaranse as necesidades de infraestrutura; coa área de Investments cuantificaranse os custos e coa área de Negocio analizarase a viabilidade entre a proposta de valor da startup e as necesidades da entidade.
Ademais das sesións de mentoring round, os participantes poderán asistir a diferentes masterclass e mesas redondas con relatoras do ecosistema nacional de emprendimiento. En edicións anteriores do programa participou, entre outros, Phillippe Gelix (Founder de Kantox), Fernando Cabelo (Founder de Aplázame) ou Ana Pérez Sánchez (CMO de Finnovating).
Finalmente, tamén se desenvolverán as tradicionais sesións de ‘Café Fintech’, nas que serán os propios directivos e empregados da entidade os encargados de explicar o funcionamento das diferentes unidades de negocio vinculadas ás probas de concepto.
Unha vez finalizado o bootcamp, a partir do feedback xerado polas áreas de Negocio, Innovación, IT e Investments de ABANCA nos mentoring rounds, o equipo de ABANCA Innova seleccionará ás startups que implementarán a proba de concepto.
O Programa conta, ademais, coa participación de HubInSerás redirixido a outro sitio web, empresa especializada en innovación e emprendimiento.