ABANCA participa nunha nova edición de “Días Azuis do Comercio Galego”
- As novidades presentáronse esta mañana en Santiago nun acto no que participaron representantes da Federación Galega de Comercio, ABANCA e a Xunta de Galicia
- A edición número 14 desta campaña comeza mañá mesmo e rematará o 30 de abril
O director de Banca Cliente Valor de ABANCA, Enrique Marticorena (terceiro pola dereita), durante a presentación dunha nova edición de Días Azuis.
Descarga en alta resolución Serás redirixido a outro sitio web e abrirase nunha nova ventá
O director de Banca Cliente Valor de ABANCA, Enrique Marticorena (no centro), intervén na presentación de Días Azuis.
Descarga en alta resolución Serás redirixido a outro sitio web e abrirase nunha nova ventá
O presidente da Federación Galega de Comercio, José María Seijas; o director xeral de Comercio e Consumo, Gabriel Alén; e o director de Banca Cliente Valor de ABANCA, Enrique Marticorena; presentaron esta mañá a edición 2026 da campaña “Días Azuis do Comercio Galego”, que se desenvolverá entre o 10 e o 30 de abril.
Os establecementos, as rúas, as vilas, as cidades de toda Galicia, tinguiranse de cor azul para celebrar a que será a edición número 14 desta coñecida e agardada iniciativa comercial, que busca potenciar, estimular e impulsar o comercio de proximidade galego; sensibilizar ao consumidor do seu imprescindible papel económico e social e achegarse ao consumidor de todas as poboacións e idades.
Para acadar este obxectivo, nesta edición as entidades organizadoras fan un novo esforzo por manter o atractivo dos premios. Así, entre os clientes que merquen entre o 10 e o 30 de abril nos establecementos minoristas galegos e rexistren os seus tickets na web www.diasazuis.com, sortearanse un total de 20.000 euros, que estarán distribuídos en 44 tarxetas prepago de 250 euros e 60 tarxetas prepago de 150 euros. Pero ademáis, no acto de entrega destes premios sortearase en directo entre as persoas consumidoras asistentes unha tarxeta prepago de 2.500 euros para gastar nunha xornada de compras na localidade que desexe.
Con todo isto, Días Azuis do Comercio Galego “quere ser unha gran chamada a mercar no noso comercio, no comercio de proximidade”, sinalou José María Seijas . Unha iniciativa “que sumada a outras que buscan dinamizar o sector e as vendas, completan un programa perfecto para que os consumidores non deixen de achegarse en ningún momento aos nosos establecementos, merquen e saian máis satisfeitos ca nunca”.
“Días Azuis do Comercio Galego” está organizada pola Federación Galega de Comercio e a Xunta de Galicia, a través da Dirección Xeral de Comercio e Consumo da Consellería de Emprego, Comercio e Emigración. Conta coa colaboración de ABANCA, entidade que achega os premios; así como das federacións provinciais de comercio, asociacións de comerciantes e centros comerciais abertos de toda Galicia.
O director de Banca Cliente Valor de ABANCA, Enrique Marticorena, pola súa parte, destacou que “Días Azuis do Comercio Galego” é “unha iniciativa plenamente consolidada entre os comercios e consumidores de Galicia, que reforza o atractivo dos negocios de proximidade”. O representante da entidade financeira referendou “o compromiso do banco cun sector vital para a economía produtiva da comunidade, para o que ABANCA dispón de solucións a medida”.