ABANCA pecha unha emisión de bonos perpetuos Nivel AT1 por 250 millóns de euros

ABANCA fixou hoxe os termos económicos para unha emisión de bonos perpetuos por importe de 250 millóns de euros. A emisión tivo unha demanda de máis 500 millóns e foi colocada integramente en menos de catro horas entre inversores institucionais do Reino Unido, USA, Francia e Suíza. A remuneración fixouse nun 7,5%. ABANCA, unha das dúas entidades españolas mellor capitalizadas, cumpre con esta emisión co obxectivo de ampliar e diversificar o seu capital aproveitando un contexto favorable de mercado. Os títulos emitidos teñen a categoría de Capital Adicional de Nivel 1 (AT1 en inglés). Adicionalmente, a emisión permite a ABANCA avanzar no cumprimento da nova normativa europea de requirimento mínimo de fondos propios e pasivos admisibles (MREL polas súas siglas en inglés).

Tras esta colocación, ABANCA diversifica o seu capital segundo o previsto no seu plan estratéxico e fortalece a súa ratio de capital situado en 14,7% en xuño de 2018.

A través desta operación, ABANCA inicia a súa actividade emisora nos mercados de capitais tras un período de transformación de tres anos nos que a entidade converteuse nunha das máis solventes e rendibles do mercado español.

• EMISOR: ABANCA Corporación Bancaria, S.A.
• TIPO DE DÉBEDA: Débeda perpetua subordinada, non acumulativa. AT1
• IMPORTE: € 250 millóns
• VENCEMENTO / CALL: Perpetua / Trimestral a partir do 2 de outubro de 2023
• LIQUIDACIÓN: 2 outubro 2018
• CUPÓN: 7.5% Anual, con cupóns trimestrais, durante os cinco primeiros anos. O cupón reaxustarase cada 5 anos en función do valor do swap a 5 anos en cada momento, máis un diferencial de 7’326%.