ABANCA presenta ás confrarías da ría de Vigo as súas alternativas de crédito adaptadas
- O banco organiza un encontro reducido cos máximos representantes dos principais pósitos do sur de Galicia e expón as súas solucións para facer fronte ás urxencias xeradas por la crise sanitaria e económica
- A entidade financeira adapta algúns dos seus produtos aos desafíos actuais e reimpulsa prioridades estratéxicas como a modernización da frota e a mellora da sostibilidade pesqueira
- A unidade especializada ABANCA Mar canaliza nesta quinta reunión as principais demandas das confrarías e ofrece xestores especializados e un catálogo á medida do sector
O director territorial de ABANCA en Vigo, Walter Álvarez (segundo pola dereita), durante a sinatura dos convenios.
Descarga en alta resolución Serás redirixido a outro sitio web e abrirase nunha nova ventá
Os representantes de ABANCA e das confrarías da ría de Vigo participan no encontro organizado polo banco.
Descarga en alta resolución Serás redirixido a outro sitio web e abrirase nunha nova ventá
Os representantes de ABANCA e das confrarías da ría de Vigo participan no encontro organizado polo banco.
Descarga en alta resolución Serás redirixido a outro sitio web e abrirase nunha nova ventá
ABANCA redobra o seu compromiso co sector pesqueiro do ámbito xeográfico da ría de Vigo e celebra un encontro reducido cos representantes das principais confrarías do sur de Galicia. O acto, que tivo lugar na sede institucional do banco na cidade, serviu para referendar o marco de colaboración estable que mantén con este colectivo, coñecer de primeira man as necesidades dos pósitos e presentar a súa oferta de valor para atender aos desafíos que vive o sector.
O director territorial de ABANCA en Vigo, Walter Álvarez, o director de ABANCA Mar, Javier Fraga, e o coordinador de ABANCA Mar, Miguel Ríos, foron os encargados de conducir a reunión. Por parte das confrarías participaron Xoel Schwarz López, patrón maior da Confraría San Xoán de Redondela; Susana González Álvarez, patroa maior da Confraría A Anunciada de Baiona; José Manuel Gregorio Vaqueiro, patrón maior da Confraría San Ciprián de Aldán-Hío, e Francisco Javier Costa García, patrón maior da Confraría San Xosé de Cangas. Está previsto que nos vindeiros tamén renoven o seu convenio de colaboración a Confraría San Francisco de Vigo e a Confraría Santa Trega da Guarda.
Ante o desafío da COVID-19
A maior parte do encontro estivo orientado a reflexionar sobre os desafíos que ocasionou a irrupción da emerxencia sanitaria ocasionada pola COVID-19 e o seu posterior impacto na economía. Os representantes das confrarías mostráronse moi preocupados polos efectos da pandemia na actividade do sector, pero tamén polo cambio de hábitos dos consumidores.
Por iso, ABANCA presentou un catálogo de produtos centrado nas solucións de financiamento para atender as necesidades máis perentorias das empresas e profesionais do mundo do mar. Entre as medidas activadas, destacan as alternativas adaptadas para o financiamento de circulante, préstamos para financiar a compra de materias primas en campaña, mareas, pagos de gasóleo ou de dereitos de pesca; anticipos de subvencións ou para facer fronte a paros biolóxicos ou pago de impostos, así como liñas de comercio exterior, leasing mobiliario, avais ou seguros, entre outros produtos.
Un novo impulso a metas comúns
O encontro permitiu tamén abordar algúns dos retos de fondo nos que se está a traballar desde o sector nos últimos anos, que quedaron nun segundo plano neste momento. O catálogo pon o foco en dar resposta a dous grandes desafíos que ten por diante este sector: a renovación da frota pesqueira e a mellora da sostibilidade.
Para iso, o banco dispón, a través da súa unidade especializada ABANCA MarSerás redirixido a outro sitio web, dun completo programa de crédito, con produtos específicos como hipotecas navais ou préstamos a tipo fixo para apoiar ao sector nos procesos de construción de novas embarcacións, remodelación ou segunda adquisición de barcos. Un impulso que se une ao compromiso de financiamento daqueles proxectos que contribúan á mellora das sostibilidade social, económica e medioambiental do sector marítimo-pesqueiro.
Esta presentación foi a quinta edición dun encontro xa consolidado e que incentiva un clima de diálogo co sector. Non en balde, os patróns maiores asistentes puideron trasladar as súas inquedanzas sobre o futuro do sector e moi especificamente das confrarías da ría de Vigo, para así trazar novas liñas de traballo común para o colectivo.