ABANCA presenta unha oferta sectorial adaptada ás necesidades das confrarías

14-09-2016

ABANCA avanza un paso máis na súa estratexia de apoio ao sector primario en Galicia e, especificamente, ao sector pesqueiro. Un movemento estratéxico no que a entidade dá un empurrón a través dun completo catálogo de produtos e servizos adaptado ás necesidades deste colectivo.

A entidade financeira amosou esta tarde este compromiso, xunto aos representantes de sete das principais confrarías da área de influenza de Vigo. Unha reunión de traballo informal que serviu para coñecer de primeira man as preocupacións e retos dos profesionais do sector e para trazar unha liña de colaboración conxunta.

Por parte da entidade financeira participaron no encontro o director territorial de ABANCA en Vigo, Jorge Martínez, e o director de ABANCA MarSerás redirixido a outro sitio web, Javier Fraga, así como diversos directores de zona e de oficina da área metropolitana de Vigo. Tomaron partido tamén Misael David García del Campo, patrón maior da Confraría San Francisco de Vigo; Rita Míguez de la Iglesia, patroa maior da Confraría Virxe do Carme de Arcade; Silvia María Crespo Campos, patroa maior da Confraría Santa Tecla da Guarda; Clemente Bastos Estévez, patrón maior da Confraría San Xoan de Redondela; María Isabel González Álvarez, secretaria da Confraría A Anunciada de Baiona; Juan Manuel Gregorio Vaqueiro, patrón maior da Confraría San Cibrán de Aldán-Hio e Francisco Javier Costas García, patrón maior da Confraría San Xosé de Cangas.

Unha vinculación “histórica” co sector pesqueiro

ABANCA ofrece aos confrades destas sete entidades toda unha batería de alternativas de financiamento con condicións melloradas. Unha oferta de crédito que permite a este colectivo afrontar con garantías tanto as necesidades máis perentorias, como planificar os retos do futuro. Destaca especialmente unha póliza de crédito a cinco anos e sen comisións pensada para facer fronte aos períodos de caída de ingresos.

Este catálogo contempla desde préstamos persoais sen xuros ou comisións para aprazar o pagamento de impostos ou subvencións ou liñas de desconto ata leasing mobiliario, avais ou liñas de comercio exterior. Os membros das confrarías tamén poderán acceder aos plans de financiamento con respaldo institucional, como o Plan ActivamosSerás redirixido a outro sitio web firmado por ABANCA coa Deputación de Pontevedra, os programas oficiais de crédito do Igape ou do ICO ou o financiamento a través de Sogarpo.

Jorge Martínez referendou durante a presentación “o compromiso histórico de ABANCA por ofrecer produtos e servizos á altura das necesidades do sector” e expuxo os detalles “dunha oferta sectorial chea de respostas áxiles e directas para os retos que expoñen os clientes”.

Esta renovación do convenio de colaboración coas principais confrarías da área metropolitana de Vigo enmárcase dentro do apoio da entidade financeira a un dos sectores clave da economía produtiva de Galicia. Unha firma que se suma a outras medidas impulsadas por ABANCA recentemente como diversos acordos alcanzados neste ano con outros axentes do mundo do mar, o lanzamento dunha división específica para o sector primario ou a posta en marcha de campañas específicas ante situacións extraordinarias como mareas vermellas ou mortaldade da ameixa.