ABANCA, primeira entidade financeira en ofrecer a identificación por pegada dixital na súa banca móbil

27-07-2016

ABANCA vén de lanzar unha nova versión da súa banca móbil que permite aos seus clientes acceder identificándose coa súa pegada dactilar. O banco galegoSerás redirixido a outro sitio web é o primeiro en España en ofrecer este servizo aos usuarios con móbiles con sistema operativo Android versión 6 ou superior, xa que esta funcionalidade estaba dispoñible ata agora unicamente para usuarios con dispositivos de Apple. O 77% dos clientes de ABANCA con móbil teñen un dispositivo con sistema Android, mentres que o 23% dispón dun móbil de Apple.

“Un dos nosos principais obxectivos é que a experiencia de usuario sexa o mellor posible e, con esta nova funcionalidade, conseguimos que o cliente poida acceder de forma máis cómoda e rápida, mantendo a mesma seguridade”, explica Rebeca Cores, directora de Arquitectura de ABANCA.

Esta nova forma de acceso con pegada en substitución do PIN mantén a máxima seguridade nas operacións e o seu uso está dispoñible en todos aqueles smartphone que incorporan esta tecnoloxía (actualmente os principais fabricantes de terminais para plataforma Android incorporan lector de pegada dixital),

A versión máis innovadora de banca móbil

A incorporación do acceso por pegada dactilar coincide co lanzamento dunha nova versión de banca móbilSerás redirixido a outro sitio web cun deseño máis atractivo e novas funcionalidades para os clientes.

Unha das funcionalidades máis destacadas que incorpora esta actualización é a posibilidade de apagar e acender tarxetas, de maneira que só funcionarán cando o cliente queira. Ademais, desde a banca móbil tamén se pode modificar os importes máximos para operar con tarxetas, cambiar o pin da banca electrónicaSerás redirixido a outro sitio web ou crear tarxetas virtuais de forma rápida e sinxela para comprar por internet.

A app de banca móbil mellor valorada do sector

A aplicación de banca móbil de ABANCA é unha das mellor valoradas polos usuarios e a primeira do sector totalmente accesible para persoas con discapacidade visual. Ademais, segundo o estudo de Mobile Banking 2016 realizado por Smartme AnalyticsSerás redirixido a outro sitio web, no que se miden 38 apps de banca móbil e medios de pago, a banca móbil de ABANCA é a máis áxil do sector e a mellor valorada en Google Play Store.

O 40% dos clientes particulares de ABANCA e o 65% das empresas son usuarios das canles a distancia da entidade financeira. As conexións á banca móbil e electrónica creceron un 72% e un 48% en xuño en relación ao mesmo período do ano anterior, mentres que o número de clientes que operan por estas canles aumentou un 21% e un 9,5% desde xaneiro.