ABANCA, primeiro banco español en empregar a intelixencia artificial xenerativa para atender ás consultas dos seus clientes
- Os primeiros usuarios poderán acceder ao novo servizo, denominado SOFia, a través da páxina web do banco e estará totalmente dispoñible durante o mes de decembro
- O desenvolvemento nútrese de toda a información sobre produtos e servizos dispoñibles na web y ofrece respostas precisas e adaptadas ás consultas de cada usuario
Un cliente emprega o novo servizo de intelixencia artificial xenerativa para resolver unha consulta.
Descarga en alta resolución Serás redirixido a outro sitio web e abrirase nunha nova ventá
Que fai SOFia.
Descarga en alta resolución Serás redirixido a outro sitio web e abrirase nunha nova ventá
ABANCA convértese na primeira entidade financeira española en integrar a intelixencia artificial xerativa (IAX) na atención das consultas dos seus clientes e non clientes. Este servizo pioneiro arrancou xa de xeito limitado para un grupo de clientes e estenderase nas vindeiras semanas coa vista posta en estar totalmente dispoñible para calquera usuario, sexa cliente ou non, no mes de decembro.
Esta solución avanzada confirma a aposta do banco por esta tecnoloxía, que xa foi incorporada e probada nos últimos meses noutros procesos e canles internas da entidade. O desenvolvemento está dispoñible en todos os dispositivos a través da páxina web do banco e súmase ao resto de alternativas presenciais e remotas que ofrece a entidade, como a asistencia telefónica ou a través das principais redes sociais.
As respostas que ofrece esta nova canle de comunicación están dirixidas a axilizar a atención ás dúbidas e consultas dos usuarios sobre a información dispoñible na web dun xeito próximo. Este servizo de intelixencia artificial xerativa non opera directamente nin ofrece información sobre os produtos contratados nin datos persoais dos usuarios. En termos prácticos, recibirán unha resposta afinada sobre o que demandan e, se precisan ampliar a información recibida, serán dirixidos aos diferentes espazos da páxina web de ABANCA, onde poderán continuar coa operación con total seguridade.
Unha resposta inmediata e sempre dispoñible
Calquera usuario que queira utilizar o servizo simplemente ten que iniciar unha conversación co asistente, utilizando unha linguaxe natural. O novo desenvolvemento é capaz de interpretar o significado e o contexto da consulta e buscar entre miles de páxinas ou repositorios de preguntas frecuentes do banco. Non ofrece contestacións predefinidas, senón que crea unha resposta inmediata segundo as necesidades expresadas por cada cliente e o contexto.
O servizo está dispoñible en calquera momento e permite aos clientes chatear en diferentes idiomas. Ao utilizar contidos continuamente renovados, as respostas son precisas e sempre actualizadas.
Dentro do proceso de lanzamento, nas últimas semanas realizouse unha enquisa con usuarios. Nas súas respostas deron unha puntuación media de 4,23 sobre 5. Ademais, máis da metade valorou a SOFia coa puntuación máis alta. Entre os puntos fortes do desenvolvemento destacaron a coherencia, a utilidade, a linguaxe empregada e a facilidade para atopar o chatbot dentro de la web.
A implantación desta tecnoloxía é o resultado do compromiso estratéxico do banco por ofrecer aos seus clientes a mellor experiencia. Despois de implantar con éxito nos últimos meses esta ferramenta internamente, o banco busca agora abrir unha nova canle de comunicación máis directa e accesible, coa que os usuarios poidan interactuar en calquera momento e lugar.
En 2024 implantáronse en ABANCA máis de 25 iniciativas de intelixencia artificial xenerativa e o 60% do equipo profesional da entidade utiliza habitualmente algunha aplicación baseada nesta tecnoloxía. Ademais, o 32% dos principais procesos do banco incorporan IA e a produtividade dos servizos que se transformaron con IA aumentou nun 35%.