ABANCA reafirma o seu compromiso co sector agrario estremeño e renova a súa colaboración coas principais organizacións do sector
- A entidade financeira aproveita a súa cita na 36ª edición da Feria Internacional Agroexpo para reafirmar a súa presenza en Estremadura e renovar o seu compromiso con axentes relevantes do sector
- El banco ofrece un catálogo de produtos e servizos a medida, como a Liña de Financiamento Agro Multidestino
O especialista de ABANCA Agro, Roberto Torres (primeiro pola esquerda); o director territorial de ABANCA en Extremadura-Sur, José María Jardón (terceiro pola esquerda); o director sectorial de ABANCA, Jesús Combarro (tercero pola dereita, de pé); e o especialista de ABANCA Agro, Felipe León (primeiro pola dereita, de pé) xunto aos representantes de UPA-UCE Extremadura.
De esquerda a dereita: o director da oficina de ABANCA en Don Benito, Julio Miguel Pérez; o representante de ASAJA Cáceres, Ángel García; e o especialista de ABANCA Agro, Roberto Torres.
Á esquerda, o especialista de ABANCA Agro, Felipe León; á dereita, o especialista de ABANCA Agro, Roberto Torres e no centro Juan Metidieri, representante de ASAJA Badajoz.
ABANCA continúa reafirmando o seu compromiso e apoio estratéxico ao sector primario en Estremadura e reforza así, un ano máis, o compromiso que mantén coas principais organizacións de agricultores e explotacións agrarias da rexión. A entidade financeira afianza a súa proposta de valor cun catálogo de produtos e servizos deseñados a medida a través da súa unidade especializada ABANCA Agro para dar resposta aos desafíos actuais do campo.
Os acordos foron renovados durante a 36ª edición da Feria Internacional Agroexpo, que vén de celebrarse en Don Benito, e na que ABANCA estivo presente cun estand propio para dar a coñecer a súa proposta de valor, as solucións específicas para o sector e trazar alianzas cos axentes máis relevantes.
O director territorial de ABANCA en Estremadura-Sur, José María Jardón, foi o encargado de rubricar os distintos acordos financeiros con algúns dos axentes máis representativos do sector. Nestas firmas participaron os representantes de ASAJA Badajoz, ASAJA Cáceres, UPA-UCE Extremadura e La Unión de Agricultores y Ganaderos de Extremadura. Ás firmas tamén asistiron o director de Banca Sectorial de ABANCA, Jesús Combarro, o equipo de ABANCA Agro en Estremadura e outras persoas representantes do banco.
A entidade financeira aproveitou o evento para poñer en valor a súa unidade especializada ABANCA Agro, que conta cunha ampla experiencia e cercanía no sector, e para destacar a súa rede de oficinas en Estremadura, que facilita o acceso aos servizos bancarios e contribúe á inclusión financeira na rexión.
Sostibilidade e Liña de Financiamento Agro Multidestino
Os convenios de colaboración rubricados coas organizacións agrarias ofrecen unha serie de propostas para reforzar un sector clave e esencial na rexión. Para iso, ABANCA deseñou fórmulas específicas de financiamento flexible a longo prazo para impulsar novas inversións e modernizar as actuais, especialmente as vinculadas á sostibilidade e enerxías renovables. Así mesmo, cobran especial relevancia outros aspectos como o leasing mobiliario, préstamos para o pago de impostos, anticipo de subvencións, devolucións de impostos e gastos de campaña ou os anticipos da PAC.
As persoas que forman parte destas organizacións terán acceso á Liña de Financiamento Agro Multidestino, un produto creado para dar resposta ás demandas e necesidades do sector e a través do que poderán unificar nun único contrato o financiamento do día a día das súas explotacións agrarias co conseguinte aforro que supón nos custos e a simplificación de trámites administrativos.
Vías de financiamento para necesidades puntuais
Co obxectivo de facer fronte a necesidades puntuais, os agricultores contarán con vías de financiamento como o anticipo de colleita ou o préstamo de campaña, a póliza de crédito con prazo de ata cinco anos ou a liña específica de financiamento de seguros agrarios.
Os acordos complétanse coas liñas que ABANCA ten subscritas con diferentes SGR nacionais, como Extraval, ou coa Sociedad Anónima Estatal de Caución AGRARIA - SAECA, o Instrumento Financiero de Gestión Centralizada (IFGC) ou o ICO, incluida a liña ICO-MAPA-SAECA con subvención dos gastos de aval de SAECA e subvención que pode chegar ata o 15% do principal. Estas liñas facilitan a incorporación de mozos e mozas á actividade agraria ao contar con garantías adicionais.