ABANCA recibe a autorización do Banco Central Europeo para culminar a compra de Banco Caixa Geral

  • A entidade financeira completa os trámites formais previos á firma da adquisición da filial española de Caixa Geral de Depósitos, que se formalizará nas próximas semanas
  • Esta operación corporativa permitirá sumar 7.000 millóns en volume de negocio e máis de 131.000 clientes, xestionados a través dunha rede de 110 oficinas repartidas en dez comunidades autónomas

Unha vez completada a integración de Banco Caixa Geral, ABANCA sumará un volume de negocio de 7.000 millóns de euros e 131.000 clientes.

Descarga en alta resolución Serás redirixido a outro sitio web e abrirase nunha nova ventá

ABANCA acaba de recibir a autorización do Banco Central Europeo (BCE) á operación de compra de Banco Caixa Geral, a entidade a través da cal opera en España o Grupo Caixa Geral de DepósitosSerás redirixido a outro sitio web. A luz verde do BCE supón o último requisito para culminar a adquisición, que se pechará formalmente nas próximas semanas coa firma do contrato de compravenda.

A finalización destes trámites administrativos permitirá acelerar a fusión de ambas as entidades, que estará avalada pola dilatada experiencia de ABANCA neste tipo de procesos. De acordo co calendario previsto neste proxecto, a integración informática, xurídica e contable de ambas as entidades será unha realidade no primeiro trimestre de 2020.

As claves do proxecto de integración e as súas fases de execución foron definidas nos últimos meses de forma coordinada por equipos multidisciplinares dos dous bancos. Estes traballos previos tiñan como obxectivo identificar os mellores procesos e prácticas en cada unha das áreas, coa premisa de ofrecer aos clientes a mellor experiencia e calidade de servizo.

Unha vez completada a integración de Banco Caixa Geral, ABANCA sumará un volume de negocio de 7.000 millóns de euros e 131.000 clientes, xestionados a través dunha rede comercial de 110 oficinas en España, con especial presenza nas provincias máis próximas á fronteira con Portugal. Integrará tamén un cadro de persoal formado por máis de 500 profesionais.

En conxunto, o banco resultante ascenderá ao sétimo posto na clasificación de entidades españolas por patrimonio neto e ao oitavo por volume de activos. ABANCA consolídase así como unha das entidades máis relevantes do mercado ibérico, cunha notable presenza nos dous países da península, grazas a esta operación, pero tamén á recente integración de negocio adquirido a Deutsche Bank en Portugal.