ABANCA recibe de ILUNION un recoñecemento polo seu traballo a favor da accesibilidade

  • A empresa ILUNION entregou á entidade financeira un diploma que recoñece o esforzo realizado en materia de accesibilidade
  • A aplicación de banca móbil de ABANCA é a única do sistema financeiro español que cumpre cos estándares de accesibilidade

Diploma de recoñecemento entregado por ILUNION a ABANCA.

Descarga en alta resolución Serás redirixido a outro sitio web e abrirase nunha nova ventá

ABANCA vén de recibir de ILUNION, empresa especializada pertencente ao grupo empresarial do ONCE e a súa Fundación, un diploma de recoñecemento polo esforzo realizado pola entidade financeira galega por potenciar a accesibilidade universal e a inclusión das persoas con discapacidade na súa aplicación de banca móbil.Serás redirixido a outro sitio web

“É un orgullo para nós recibir este diploma que demostra o noso compromiso por conseguir que nas canles a distancia os clientes con discapacidade poidan acceder aos servizos financeiros en igualdade de condicións que o resto”, sinala Rebeca Cores, directora de Arquitectura TI de ABANCA.

O diploma acreditativo recibido describe as accións que ABANCASerás redirixido a outro sitio web levou a cabo nos últimos anos e ten unha validez de dous anos desde o desenvolvemento da última actuación en materia de accesibilidade polo que foi outorgado.

Selo de accesibilidade universal

En maio de 2015 ABANCA conseguiu o selo de accesibilidade universal para a súa aplicación de banca móbil[ converténdose na única entidade financeira en España que cumpre cos estándares de accesibilidade. Esta certificación garante que a banca móbil pode ser utilizada por persoas con calquera tipo de discapacidade, incluíndo a visual parcial e a cegueira.

ABANCA quere continuar avanzando en accesibilidade e xa está a traballar en conseguila para a súa web e caixeiros. “Queremos que a nosa tecnoloxía e os nosos servizos estean ao alcance de todo o mundo”, explica Miguel Ángel Escotet, director xeral de Responsabilidade Social Corporativa e Comunicación de ABANCA.