ABANCA reforza a área de Medios de Pago e incorpora a Manuel Arroyo como novo director
- ABANCA impulsará os medios de pago no seu plan estratéxico
- Manuel Arroyo conta cunha ampla experiencia profesional no campo dos medios de pago e seguros en entidades multinacionais
Manuel Arroyo de Pedro, novo director de Medios de Pago de ABANCA.
Descarga en alta resolución Serás redirixido a outro sitio web e abrirase nunha nova ventá
ABANCA vén de incorporar á súa estrutura directiva a Manuel Arroyo de Pedro como novo director de Medios de Pago co obxectivo de reforzar e potenciar esta área, estratéxica nos plans de negocio do banco.
Manuel Arroyo de Pedro conta cunha ampla experiencia profesional no campo dos medios de pago e seguros en entidades multinacionais como Citibank España, Cigna Internacional, MBNA- Bank of America e Visa Europe. Desde 2007 até agora, ocupou postos de responsabilidade directiva en Visa Europe como responsable do desenvolvemento comercial de produtos core e dixital (contactless, mobile payments, e-wallet, P2P, TMS, etc.), traballando con numerosos bancos do sistema financeiro español e reportando directamente ao director xeral da compañía en España.
Manuel Arroyo é licenciado en Administración de Empresas e Marketing pola Escuela Superior de Gestión Comercial y Marketing (ESIC) e posúe unha ampla formación en áreas específicas de marketing e vendas na que destacan dous posgraos da Florida Atlantic University.
En ABANCA, Manuel Arroyo será o responsable do negocio de medios de pago e do desenvolvemento da nova estratexia de ABANCA nesta área.