ABANCA reforza a súa unidade de Banca Privada en Bilbao
- Juan Carlos González Albarrán incorpórase como director da oficina de Banca Privada de Bilbao
Juan Carlos González Albarrán, novo director da oficina de Banca Privada de ABANCA en Bilbao.
ABANCA segue reforzando a súa unidade de Banca Privada coa incorporación de Juan Carlos González Albarrán como director da oficina de Banca Privada de Bilbao. “Con esta incorporación seguimos completando o equipo de Banca Privada con profesionais que aúnan experiencia e coñecemento do mercado no que van desenvolver o seu labor”, destaca Javier Rivero, director de Banca Privada de ABANCA.
Juan Carlos Gonzalez Albarrán incorpórase a ABANCA como director da oficina de Banca Privada de Bilbao, tras desenvolver a súa carreira profesional en Banco de Santander. En 2013 exerceu como Senior Banker e, desde 2020, como director da oficina de Banca Privada de Bilbao.
A incorporación de Juan Carlos González Albarrán é a terceira nos últimos meses na unidade de Banca Privada de ABANCA no País Vasco, tras a de Edurne Pinedo como directora da oficina de Banca Privada en Vitoria e a de Álvaro Ochoa tamén no equipo de Banca Privada en Bilbao.