ABANCA reforza o seu catálogo de investimento alternativo co produto Goldman Sachs Private Markets ELTIF

21-06-2023

ABANCA incorporou ao seu catálogo para clientes de banca privada o produto de investimento Goldman Sachs Private Markets ELTIF, xestionado por Goldman Sachs Asset Management. Con esta incorporación, ABANCA segue ampliando o seu catálogo con novas opcións de investimento alternativo da man de grandes firmas globais.

O produto estará en comercialización ata finais de xullo e pode ser contratado por clientes de ABANCA Privada a partir dun importe mínimo de 10.000 euros. Esta cantidade é o limiar de investimento máis reducido dos diferentes productos alternativos que o banco comercializa. Con iso, ABANCA quere facilitar aos seus clientes o acceso a novas opcións de investimento alternativo e favorecer a diversificación das súas carteiras.

Goldman Sachs Private Markets ELTIF presenta un formato multi-estratexia que abarca todo o abanico de capacidades de investimento en mercados privados. O produto inviste, de maneira directa, en seis estratexias de private equity e crédito privado da plataforma global de Goldman Sachs: capital risco corporativo (private equity), capital risco crecemento (growth equity), capital privado infraestruturas, capital risco sostibilidade, crédito privado mezzanine (débeda subordinada de empresas) e crédito privado oportunista (financiamento de compañías en situacións especiais).

Outros produtos alternativos

A inclusión de Goldman Sachs Private Markets ELTIF no catálogo de banca privada de ABANCA súmase a outras accións desenvolvidas polo banco nos últimos exercicios co obxectivo de ofrecer aos seus clientes novas opcións de investimento. Algúns exemplos desta estratexia son a firma dun acordo con Edmond de Rothschild e a incorporación ao catálogo dos fondos Dunas Clean Energy I FCR, BlackRock Private Equity Opportunities ELTIF e Neuberger Berman Direct Private Equity 2022 ELTIF, neste caso como como única entidade en España.