ABANCA reforza o seu compromiso con Asturias modernizando as súas oficinas e estreitando lazos co tecido empresarial
- O presidente e o conselleiro delegado de ABANCA, Juan Carlos Escotet Rodríguez e Francisco Botas, reúnense con empresarios asturianos
- ABANCA facilitou crédito en Asturias por 870 millóns de euros nos últimos 12 meses e prevé mellorar e reforzar o seu negocio no Principado
De esquerda a dereita: Jose María Jardón, director de zona Asturias de ABANCA, Juan Carlos Escotet Rodríguez, presidente de ABANCA, Francisco Botas, conselleiro delegado de ABANCA, e Lucía Rojo García, directora da oficina de ABANCA na calle Asturias de Oviedo, durante a inauguración da sucursal da entidad financeira na cidade.
O presidente de ABANCA, Juan Carlos Escotet Rodríguez, e o conselleiro delegado de ABANCA, Francisco Botas, durante a firma do convenio de colaboración que asinaron esta tarde en Gijón co presidente da Federación Asturiana de Empresarios (FADE), Pedro Luis Fernández Pérez.
Juan Carlos Escotet, no centro na imaxe, nun instante da presentación da nova oficina de ABANCA en Oviedo.
O presidente e o conselleiro delegado de ABANCA, Juan Carlos Escotet Rodríguez e Francisco Botas, inauguraron esta tarde en Oviedo a nova oficina da entidade financeira na rúa Asturias, a primeira da cidade adaptada ao novo modelo de oficina ABANCA.
O centro está deseñado para mellorar a calidade de servizo ao cliente a través de solucións tecnolóxicas de última xeración, amplos espazos abertos (non hai mostradores nin despachos) e zonas diferenciadas en función do servizo que se preste ao cliente. Esta nova organización das oficinas da entidade financeira obedece a un modelo de relación co cliente máis funcional, próximo, innovador, eficiente e sustentable. “Esta oficina é un claro expoñente do que hoxe é ABANCA, da nosa estratexia centrada no cliente, en ofrecerlle a mellor experiencia de servizo, apoiándonos para iso na innovación, a dixitalización, a especialización, a axilidade, a transparencia e a sinxeleza”, asegurou Francisco Botas, conselleiro delegado de ABANCA, durante o acto de inauguración.
Este novo espazo está dotado co equipamento e funcionalidades tecnolóxicas máis innovadoras do mercado, que facilitan a mobilidade dos xestores e reducen tempos de espera e procesos. A nova oficina, caracterizada polos seus espazos abertos, transparentes e sen barreiras, ofrece ao cliente maior comodidade, mellor servizo e máis capacidades tecnolóxicas. O presidente de ABANCA, Juan Carlos Escotet Rodríguez, tamén destacou durante a súa intervención a importancia de Asturias para ABANCA sinalando que “para ABANCA un novo reto é crecer en Asturias, un territorio fundamental na nosa posición de liderado no mercado noroeste e, para iso, replicaremos a forma de facer banca coa que somos líderes en Galicia”.
ABANCA tamén renovou e adaptou a este novo modelo de oficina a súa sucursal en Gijón-Llano. Estas iniciativas enmárcanse dentro do plan de modernización da rede comercial que ABANCA ten previsto levar a cabo en Asturias.
Apoio ao tecido empresarial asturiano
Durante esta visita institucional, o presidente de ABANCA, Juan Carlos Escotet Rodríguez, asinou en Gijón un convenio de colaboración co presidente da Federación Asturiana de Empresarios (FADE), Pedro Luís Fernández Pérez, para dar un impulso ao crédito e ofrecer vantaxes financeiras a todos os seus asociados. O obxectivo deste acordo é contribuír a potenciar o desenvolvemento social e económico do Principado de Asturias, apoiando os proxectos e iniciativas que impulsen o crecemento dos seus sectores produtivos.
Por medio desta colaboración, ABANCA pon a disposición das empresas situadas en Asturias, asociadas a FADE, unha nova liña de crédito en condicións preferentes e, ademais, desenvolverá catro accións anuais nos ámbitos da globalización, innovación e formación para os asociados de FADE.
ABANCA mantén acordos e colaboracións relevantes coas principais asociacións e organizacións do tecido produtivo e empresarial asturiano, ofrecéndolles unhas condicións financeiras diferenciais no mercado.
ABANCA en Asturias
Con trece oficinas en Asturias, dúas delas centradas en empresas, ABANCA ofrece un servizo integral con produtos especialmente adaptados a empresas e particulares. ABANCA facilitou crédito en Asturias por 870 millóns de euros nos últimos 12 meses, e prevé mellorar e reforzar o seu negocio no Principado. Asturias conforma, xunto con Galicia e León, a área principal de negocio de ABANCA, que aspira a converterse na entidade de referencia no norte peninsular.