ABANCA renova a súa colaboración coas explotacións de regadío de Los Payuelos e impulsa a actividade sostible
- O banco e a Comunidad de Regantes traballan para impulsar a mellora da xestión dos recursos hídricos nos cultivos a través do amoblamento de fincas
- A entidade pon a disposición dos agricultores produtos de financiamiento e seguros a medida para responder aos desafíos do sector
O presidente da Comunidad de Regantes de Los Payuelos, Jorge Fernando Álvarez Gago, e o coordinador de ABANCA Agro, Alfonso García Marcos, foron os encargados de renovar o acordo.
ABANCA e a Comunidade de Regantes de Los Payuelos renovaron, un ano máis, o seu convenio de colaboración co obxectivo de dar resposta ás principais demandas do sector poñendo o foco principal na realización dunha actividade sostible e impulsar o proceso de amoblamento das fincas.
O acordo foi asinado en León polo coordinador de ABANCA Agro, Alfonso García Marcos, e o presidente da Comunidad de Regantes de Los Payuelos, Jorge Fernando Álvarez Gago. Durante a sinatura, ambos representantes compartiron impresións sobre a actualidade do sector, marcada nos últimos meses pola sequía, o exceso de choivas e o aumento de custos dos insumos.
O acordo recolle unha serie de produtos e servizos que ofrece ABANCA especificamente para o sector e que permitirá aos agricultores adheridos, entre outras cousas, poñer en marcha novos proxectos e mellorar aspectos esenciais dos actuais, como a sostibilidade ou a eficiencia enerxética. Para iso, ABANCA ofrece aos regantes unha serie de produtos como os préstamos persoais, leasing mobiliario, préstamos para anticipos de impostos, subvencións e gastos de campaña e anticipos da PAC. O acordo tamén recolle outras solucións, como as alternativas de financiamento oficiais do ICO, SAECA e o Instrumento Financiero de Gestión Centralizada do MAPA.
Os membros da Comunidad de Regantes tamén poderán beneficiarse das vantaxes que ofrece o Programa Servizos ABANCA, que permite aforrar no pagamento dos servizos bancarios máis habituais.
A maiores da ampla oferta de produtos e servizos que ABANCA e a Comunidad de Regantes de Los Payuelos poñen a disposición dos adheridos, o banco suma unha ampla experiencia e cercanía a través da súa unidade especializada ABANCA Agro, que conta con xestores propios cunha ampla formación nas necesidades do campo e facilita a posibilidade de crear produtos adaptados para situacións imprevistas.
Compromiso coa agricultura leonesa
ABANCA continúa ratificando o seu compromiso co sector primario leonés e especialmente coa agricultura, que xera unha gran cantidade de empregos na zona. Nesta ocasión, coa consolidación, un ano máis, dun acordo que favorece ás explotacións da Comunidad de Regantes de Los Payuelos, que abastecen os seus cultivos de regadío a través de diversas estacións de bombeo e redes de regadío coa auga que procede do embalse de Riaño.