ABANCA renova o seu apoio estratéxico ao sector pesqueiro cun novo acordo coas principais confrarías da Mariña

  • A entidade financeira asina telemáticamente coa Federación Provincial de Confrarías de Pescadores de Lugo un convenio para facer fronte ás circunstancias extraordinarias nas que se atopa o sector
  • O banco pon en valor a súa unidade especializada no sector, ABANCA Mar, para dar resposta a un segmento económico esencial da nosa comunidade con solucións adaptadas ás novas necesidades xurdidas

A rúbrica realizouse por primeira vez dunha maneira non presencial e tivo lugar logo dunha reunión a través de videoconferencia.

Descarga en alta resolución Serás redirixido a outro sitio web e abrirase nunha nova ventá

ABANCA, a Federación Provincial de Confrarías de Pescadores de Lugo e as principais confrarías lucenses acaban de asinar un novo convenio financeiro que dá resposta ás novas demandas do sector na zona. Trátase dun acordo estratéxico que responde as necesidade xurdidas coa crise da COVID-19.

Na firma, que se celebrou de xeito telemático, participaron, por un lado, o director territorial de ABANCA en Lugo, Javier Soto, e o director de ABANCA MarSerás redirixido a outro sitio webhttps://cofradiaslugo.com/gl/Serás redirixido a outro sitio web, Javier Fraga, e por outro, José Basilio Otero Rodríguez, presidente da Federación Provincial de Confrarías de Pescadores de Lugo e patrón maior da Confraría de Pescadores San Juan Bautista de Burela; Javier Sánchez Fernández, patrón maior da Confraría de Pescadores de San Cibrao; Javier Martínez Otero, patrón maior da Confraría de Pescadores de Ribadeo; Diego Pernas Lamelas, patrón maior da Confraría de Pescadores do Vicedo; José Juan Lestegás Iglesias, patrón maior da Confraría de Pescadores de Foz; e Domingo Rey Seijas, patrón maior da Confraría de Pescadores Santiago Apóstol de Celeiro.

A rúbrica realizouse por primeira vez dunha maneira non presencial para así cumprir coas recomendacións sanitarias e tivo lugar logo dunha reunión a través de videoconferencia. Os principais representantes do sector na Mariña transmitiron as súas impresións do que aconteceu nos últimos meses e dos seus plans para o resto do ano. Durante o seu transcurso, quedou patente o compromiso do banco con este sector esencial na provincia de Lugo, aínda máis nestas circunstancias tan especiais derivadas da crise sanitaria actual.

Unha oferta á medida do sector

Este convenio permite aos pescadores da Mariña lucense contar cunhas condicións financeiras melloradas, mediante unha póliza de crédito específica, deseñada para atender a baixada de produción e demanda con xuros competitivos para facer fronte á nova situación do mercado.

Os confrades tamén terán á súa disposición toda a oferta de ABANCA centrada no sector pesqueiro, que inclúe, entre outras vantaxes, préstamos persoais, sen xuros ou comisión, con amplos prazos de amortización, para aprazar o pago de impostos, liñas de comercio exterior, leasing mobiliario, confirming, avais, coberturas de prezos sobre gasóleo ou desconto comercial.

Este acordo tamén inclúe produtos específicos para facer fronte ao financiamento de embarcacións e outros investimentos vinculados á actividade económica do sector.

Do mesmo xeito, as persoas pertencentes a estes grupos na Mariña lucense poderán desfrutar das vantaxes do Programa Cero Comisións de ABANCA, que permite deixar de pagar polo mantemento das contas e tarxetas, pero tamén polas transferencias, ingreso de cheques ou outros servizos habituais.

Esta firma segue a estela dos acordos rubricados con outras confrarías galegas, ademais de diversas organizacións pesqueiras e conserveiras. Non en balde, este sector é un dos máis relevantes da economía produtiva da comunidade e, como tal, ABANCA amosa o seu apoio e segue a traballar nunha oferta que dea resposta ás súas necesidades. Todo grazas a unha división especificamente encamiñada a atender e apoiar os profesionais deste sector: ABANCA Mar