ABANCA reúne en Santiago a expertos en fiscalidade dos bancos de CECA
Os asesores fiscais dos bancos da CECA durante a visita á exposición 'Galicia Universal: a arte nas coleccións de ABANCA e Afundación'
Máis de 20 expertos fiscais das 13 entidades financeiras adscritas a CECA asistiron onte e hoxe, no Centro Obra Social ABANCA de Santiago de Compostela, á 243ª Comisión Fiscal de CECA, exercendo nesta ocasión ABANCA como entidade anfitrioa.
Durante o encontro abordáronse as principais novidades normativas e xurisprudenciais que afectan o sector financeiro, con especial referencia ao Proxecto de Lei de Orzamentos Xerais do Estado que se atopa actualmente en tramitación.
Tras a primeira xornada de reunión, os asistentes visitaron a exposición ‘Galicia Universal: a arte nas coleccións de ABANCA e Afundación’ na Cidade da Cultura de Santiago.