ABANCA seguirá dando nome ao FID Ciudad de León durante o próximos tres anos

  • O banco e a organización renovan o acordo de colaboración que mantiñan e que reforza o apoio da entidade ao FID desde a súa primeira edición
  • O FID seguirá levando o nome do banco ata 2027

Na imaxe: de esquerda a dereita, Francisco del Río, director do FID, e Marcos Lamas, director territorial de ABANCA en Castilla y León, Asturias e Cantabria.

Descarga en alta resolución Serás redirixido a outro sitio web e abrirase nunha nova ventá

O director territorial de ABANCA en Castela e León, Asturias e Cantabria, Marcos Lamas Seoane, e o director do Foro Internacional do Deporte (FID)Serás redirixido a outro sitio web, Francisco del Río, firmaron a renovación do patrocinio de ABANCA, que permitirá que esta entidade bancaria siga dando nome ao FID Ciudad de León.

Este novo acordo de colaboración terá unha vixencia de tres anos, afianzándose desta maneira o apoio que ABANCA deu ao FID desde a súa primeira edición en 2017.

O director do FID, Francisco del Río, agradeceu a ABANCA "o seu apoio incondicional ao FID desde as súas primeiras edicións, para nós é un orgullo o poder ter de compañeiros de viaxe a ABANCA e todos os amantes do deporte leonés deben ser conscientes de que a colaboración de ABANCA foi clave para que ano tras ano veñan a León a compartir as súas experiencias de vida deportistas de primeiro nivel mundial. Por tanto, a renovación deste acordo de colaboración ata o ano 2027 é unha excelente noticia para o FID, pero sen ningunha dúbida, tamén para a cidade de León".

Pola súa banda, o director territorial de ABANCA en Castela e León, Asturias e Cantabria afirma que "é unha satisfacción para nós poder renovar e dar estabilidade a esta colaboración que mantemos e que, como xa dixemos no seu momento, non se limitará ao simple patrocinio, senón que, como fixemos ata o de agora, ABANCA implicarase na organización do evento e promoverá actividades paralelas cos deportistas que participen para que toda a cidade poida gozar do foro”.

Será no mes de setembro cando León volva converterse na capital nacional do deporte coa celebración do FID Ciudad de León ABANCA 2025, que volverá un ano máis a reunir a figuras nacionais e internacionais do mundo do deporte.