ABANCA súmase á European Money Week cunha vintena de actividades en toda Galicia

  • Voluntarios do banco ofrecerán formación financeira a 600 escolares de diferentes centros educativos das principais cidades galegas
  • Esta acción forma parte do Programa de educación Financeira que desenvolve ABANCA ao longo de todo o ano

ABANCA organiza as próximas semanas unha vintena de actividades de educación financeira en centros escolares das principais cidades galegas con motivo da European Money WeekSerás redirixido a outro sitio web, unha iniciativa da Federación Bancaria Europea na que participan máis de 30 países e que chega este ano á súa terceira edición.

Vinte voluntarios do banco visitarán en total sete centros escolares, un de cada unha das principais cidades galegas, para iniciar en coñecementos económicos e financeiros a 600 estudantes de 3º e 4º da ESO dentro do programa da Asociación Española de Banca ‘Tus finanzas, tu futuro’.

As primeiras conferencias tiveron lugar hoxe 7 de marzo no Colexio Sagrado Corazón Mercedarias de Ferrol e o Colexio El Pilar Maristas de Vigo. En cada un destes centros realizaranse varias sesións para que poidan participar na iniciativa todos os alumnos e alumnas destes dous cursos de ensino secundario. As charlas continuarán o luns 13 no Colexio Maristas A Inmaculada de Lugo e SEK Atlántico de Pontevedra e o mércores 22 no IES Rosalía de Castro de Santiago.

Programa Educación Financeira

A participación de ABANCASerás redirixido a outro sitio web na iniciativa ‘Tus finanzas, tu futuro’ que propón a AEB con motivo da European Money Week forma parte do Programa de Educación Financeira que desenvolve o banco ao longo de todo o ano e do que en 2016 beneficiáronse 13.000 persoas.

“Achegar a toda a cidadanía, independentemente da súa idade, a información e conceptos máis importantes do ámbito financeiro para que poidan tomar decisións máis responsables e acertadas sobre as súas finanzas persoais é unha das liñas de traballo estratéxicas dentro da nosa política de responsabilidade social corporativa e ao longo deste ano imos seguir traballando para aumentar o número de beneficiarios”, explica Tatiana Suárez Cancelo, directora de Responsabilidade Social Corporativa de ABANCASerás redirixido a outro sitio web.

O Programa de Educación Financeira do banco inclúe accións pensadas para diferentes idades e colectivos, entre eles, os escolares, como o Gran Prix Financeiro ou a obra de teatro ‘De los cuentos a las cuentas’, outras dirixidas a novos estudantes como o proxecto ‘Tus finanzas, tu futuro’ e a conferencia ‘Preparados para dar o salto?’ e tamén actividades deseñadas para promover os coñecementos financeiros entre outros colectivos sensibles que poden resultar vulnerables, como a xente maior.