ABANCA súmase á ‘Hora do Planeta 2016’ apagando a iluminación das súas principais oficinas

As oficinasSerás redirixido a outro sitio web e edificios máis representativas de ABANCA nas principais poboacións de Galicia apagarán mañá, de 20.30 a 21.30 horas, as luces das súas fachadas para sumarse á campaña ‘Hora do Planeta 2016’, unha iniciativa promovida por WWF EspañaSerás redirixido a outro sitio web co obxectivo de mostrar a súa preocupación polos efectos que está a provocar o cambio climático.

Con esta acción ABANCA pon de manifesto o seu compromiso coa protección do medio ambiente, un dos alicerces da súa estratexia de responsabilidade social corporativa.

Ademais de apagar a iluminación dos seus locais, ABANCA comprométese a informar a todos os seus empregados e clientes sobre a campaña para que poidan contribuír desde o seu posto de traballo e nas súas casas á protección do medio ambiente.

No último ano, ABANCA puxo en marcha distintas iniciativas para conseguir aforros enerxéticos e reducir os consumos nocivos para o medio ambiente. Coa implementación do novo modelo de oficina desenvolveuse un sistema de xestión remota automatizada que permite á entidade financeira interactuar sobre diversas instalacións, como a climatización, a iluminación, os horarios de funcionamento dos equipos electrónicos, etc., optimizando o consumo eléctrico. Ademais, ABANCA comezou a poñer en funcionamento deste sistema no resto de oficinas e iniciou unha migración cara a tecnoloxía de iluminación LED, que permite unha enorme redución de consumo eléctrico.