ABANCA visita ao Goberno Vasco en Vitoria-Gasteiz e reúne ao seu Consello de Administración en Donostia-San Sebastián
- O presidente Juan Carlos Escotet Rodríguez e o conselleiro delegado Francisco Botas reuníronse co lehendakari Íñigo Urkullu e o conselleiro de Economía e Facenda Pedro Azpiazu
- ABANCA leva á capital guipuscoana a reunión do seu Consello de Administración en aplicación da súa política de proximidade aos seus clientes
De esquerda a dereita, o presidente de ABANCA, Juan Carlos Escotet Rodríguez, e o lehendakari, Íñigo Urkullu.
De esquerda a dereita, o conselleiro de Economía e Facenda do Goberno Vasco, Pedro Azpiazu, o lehendakari, Íñigo Urkullu, o presidente de ABANCA, Juan Carlos Escotet Rodríguez, e o conselleiro delegado, Francisco Botas.
O Consello de Administración de ABANCA reunido en Donostia-San Sebastián.
O Consello de Administración de ABANCA durante a súa reunión de traballo en Donostia-San Sebastián.
Descarga los contenidos anexos
ABANCA celebra hoxe en Euskadi unha xornada de actividades institucionais vinculadas á adquisición de Bankoa, operación anunciada o pasado mes de xullo e que suporá un importante incremento da presenza de ABANCA no mercado vasco.
Pola mañá, o presidente de ABANCA, Juan Carlos Escotet Rodríguez, e o conselleiro delegado, Francisco Botas, mantiveron un encontro en Vitoria-Gasteiz co lehendakari, Íñigo Urkullu, e o conselleiro de Economía e Facenda, Pedro Azpiazu.
A recepción oficial na sede da Lehendakaritza serviu para presentar o modelo de entidade financeira que ABANCA desenvolverá en Euskadi tras a adquisición de Bankoa. A actividade de ABANCA no mercado vasco estará baseada no apoio aos sectores produtivos, a proximidade ao cliente, a dixitalización e a sostibilidade, cuestión que de feito constitúe unha das máximas prioridades do banco tanto no ámbito financeiro como no social, co obxectivo de contribuír á creación e desenvolvemento dunha sociedade sostible e inclusiva.
No seu encontro co lehendakari e o conselleiro de Economía e Facenda, Juan Carlos Escotet Rodríguez e Francisco Botas explicaron así mesmo o proceso de transformación seguido por ABANCA até situarse entre as entidades máis sólidas, rendibles e innovadoras do mercado
Consello de Administración
Unha vez finalizado o encontro co Goberno Vasco, ABANCA celebrará en Donostia-San Sebastián a reunión ordinaria do seu Consello de Administración. ABANCA despraza habitualmente as reunións do seu Consello de Administración a diferentes localidades nas que opera en aplicación da súa política de proximidade á súa base de clientes.
A xornada inclúe senllos encontros do presidente e o conselleiro delegado de ABANCA co equipo da entidade en Euskadi e co Consello de Administración de Bankoa.