As Xuntas de Accionistas de ABANCA e Banco Etcheverría aproban a fusión das dúas entidades

06-10-2014

As Xuntas Xerais de Accionistas de ABANCA e Banco Etcheverría (BE) deron luz verde hoxe ao nacemento de ABANCA Grupo Banesco, unha entidade que quere ser o banco de referencia do noroeste español. A fusión servirá para racionalizar e simplificar a estrutura societaria e operativa do Grupo Banesco en España. As dúas Xuntas apoiaron a fusión con máis do 90% dos votos. ABANCA Grupo Banesco nace cun capital social de 2.453.657.413€.

Ademais do proxecto de fusión, os asistentes aprobaron todos os puntos da orde do día de forma maioritaria. Entre os acordos adoptados encóntranse a autorización para adquisición de acciones propias e o nomeamento como conselleiros de Jose Garcia Montalvo e José Ramón Rodrigo Zarza.

Banco de referencia na zona noroeste

ABANCA Grupo Banesco nace co obxectivo de converterse no banco de referencia da zona noroeste e conserva a sede social do Banco Etcheverría en Betanzos. Dedicarase á banca tradicional: captación de aforro e financiamento, fundamentalmente a pemes e familias para dinamizar o tecido empresarial galego e favorecer o desenvolvemento social e económico de Galicia. O novo banco tamén impulsará a actividade de financiamento exterior, aproveitando o potencial internacional de Grupo Banesco.

A fusión non terá consecuencias no emprego nin na capacidade comercial da entidade. De acordo coa lexislación vixente en materia de sucesión de empresa, ABANCA debe asumir os dereitos e obrigas laborais que ten o cadro de persoal de BE no momento da fusión.

ABANCA Grupo Banesco; principais datos e magnitudes

ABANCA Grupo Banesco nace con 2,5 millóns de clientes, 709 oficinas, das que 14 están fóra de España. O banco conta con máis de 54.000 millóns en activos, 4.800 empregados e cunhas das mellores ratios de solvencia e liquidez.