Bankoa ABANCA e BilbaoCentro unen forzas para dinamizar o comercio e a hostalería local

  • O banco e a agrupación que representa ao comercio, a hostalería e as empresas de servizos situadas no distrito bilbaíno de Abando, elaboran un catálogo cunha oferta específica para o sector
  • Ambas as entidades poñen o foco na mellora da competitividade dos negocios e en abordar os retos da dixitalización

O xerente de BilbaoCentro, Jorge Aio; o director de zona de Bankoa ABANCA en Bizkaia, Francisco José Romanillo; e a directora da oficina de Bilbao-Indautxu, Maite Goienetxea, durante a firma.

Descarga en alta resolución Serás redirixido a outro sitio web e abrirase nunha nova ventá

Bankoa ABANCA e a Agrupación Empresarial BilbaoCentro asinaron un acordo de colaboración que busca dar apoio ao comercio e a hostalería da capital biscaíña a través dun catálogo de produtos e servizos, creados á medida, co fin de mellorar a competitividade dos negocios actuais e fomentar a posta en marcha de novos proxectos.

O director de zona de Bankoa ABANCA en Bizkaia, Francisco José Romanillo, e o xerente da Agrupación Empresarial BilbaoCentro, Jorge Aio, foron os encargados de rubricar este convenio de colaboración. Tamén asistiron ao acto o xerente de negocios de Bankoa ABANCA, José Antonio Zárraga, e a directora da oficina de Bilbao-Indautxu, Maite Goienetxea.

Con este acordo, a entidade financeira pon ao dispor dos comerciantes e hostaleiros asociados toda unha batería de propostas elaboradas a medida para o colectivo. Trátase de solucións para abordar desafíos transversais como a dixitalización ou a mellora competitiva, nun momento marcado pola transformación dos negocios e dos hábitos de consumo.

O banco activa desde este momento préstamos persoais de negocio ou leasing mobiliario, todos eles con amplos prazos de amortización, posibilidade de incluír carencias e xuros moi competitivos. As necesidades máis inmediatas tamén teñen resposta no texto recentemente rubricado, a través de pólizas de crédito, liñas de desconto comercial, avais ou confirming.

As persoas asociadas poderán igualmente beneficiarse das distintas liñas de financiamento oficial que Bankoa ABANCA ten subscritas con diversos organismos públicos. A maiores, terán acceso ás vantaxes que lles ofrece o Programa Servizos ABANCA, que permite aforrar no pago dos servizos bancarios máis habituais grazas á súa vinculación co banco. Finalmente, dispoñerán tamén de avanzados servizos de banca a distancia, como a Banca Móbil, a Banca Electrónica, o Bróker Online ou solucións como ‘Appúntame’, para a xestión de cobranzas fixas periódicas.

Agrupación Empresarial BilbaoCentro representa ao comercio, hostalería e empresas de servizos situados no distrito de Abando. O seu obxectivo principal é a promoción de Bilbao como referencia de compras e lecer, tanto para os habitantes da cidade como para os seus visitantes e turistas. Bankoa ABANCA, pola súa banda, ofrece unha ampla gama de produtos e servizos financeiros, tanto para particulares como para empresas. Cunha forte aposta pola dixitalización, a entidade converteuse nunha referencia no sector bancario español grazas á súa capacidade para adaptarse ás necesidades dos seus clientes e ofrecer solucións innovadoras e personalizadas.