Guendalina Bolis, nova directora de Investimentos da xestora de fondos de ABANCA
- O nomeamento enmárcase no proceso de crecemento de ABANCA no negocio fóra de balance
Guendalina Bolis, nova directora de Investimentos de ABANCA Gestión de Activos.
ABANCA nomeou á executiva italiana Guendalina Bolis nova directora de Investimentos de ABANCA Gestión de Activos, a xestora de fondos do grupo ABANCA. Con esta decisión, o banco dá un novo impulso ao seu plan de crecemento no negocio de fóra de balance, potenciando a xeración de valor engadido para os seus clientes particulares, de banca persoal e de banca privada.
ABANCA Gestión de Activos proporciona servizos de investimento a 159.000 clientes, xestiona un total de 4.900 millóns de euros en fondos de investimento e máis de 1.800 millóns en fondos de pensións, e comercializa fondos internacionais de terceiros por importe doutros 4.500 millóns.
Residente en España desde 2006, Guendalina Bolis é unha alta executiva con sólida experiencia en mercados financeiros, estratexias de investimento, produtos financeiros, selección de xestores externos, recursos humanos e xestión. É licenciada en Económicas, con especialización en Institucións e Mercados Financeiros pola Universidade de Bérgamo (Italia) e cursou o Programa CFA de CFA Institute e o Programa de Dirección Xeral (PDG) de IESE Business School.
Na súa traxectoria profesional desempeñou diferentes responsabilidades en Comit Asset Management SGR, Nextra Investment Management SGR, Allfunds Bank, CNP Insurance e Inversis Gestión SGIIC, da que foi presidenta e directora xeral.
Bolis forma parte do consello de administración de CFA Society Spain, sociedade local da asociación global de profesionais do investimento CFA Institute, e do seu comité ‘Women in Finance’, dedicado a promover a presenza das mulleres na industria financeira.