Javier Alonso Ruiz-Ojeda, novo conselleiro independente de ABANCA Vida y Pensiones
- Acumula unha ampla traxectoria no sector financeiro, tendo desempeñado altas responsabilidades no Banco de España, o Mecanismo Único de Supervisión do BCE e a CNMV, entre outras institucións
Javier Alonso Ruiz-Ojeda, novo conselleiro independente de ABANCA Vida y Pensiones.
Javier Alonso Ruiz-Ojeda foi nomeado conselleiro independente de ABANCA Vida y Pensiones. O novo conselleiro da compañía aseguradora do Grupo ABANCA está considerado un especialista internacional en banca e mercados financeiros, especialmente nos ámbitos de operacións, pagos, mercados, regulación e supervisión.
Licenciado en Matemáticas pola Universidade de Zaragoza e Senior Management Program por IESE Business School, o novo conselleiro de ABANCA Vida y Pensiones acumula unha longa traxectoria no sector financeiro, con responsabilidades no Banco de España, do que foi subgobernador en 2017 e 2018, o Mecanismo Único de Supervisión do Banco Central Europeo, e a Comisión Nacional do Mercado de Valores (CNMV), entre outras entidades.
Coa incorporación de Javier Alonso ao consello de administración de ABANCA Vida y Pensiones, ABANCA confirma a súa aposta polo negocio asegurador, así como por unha gobernanza robusta coa participación de profesionais independentes de primeiro nivel.