Leticia Iglesias, nova conselleira independente de ABANCA
- Leticia Iglesias presidirá a Comisión de Auditoría e Cumprimento
- A nova conselleira ten unha sólida traxectoria profesional como experta en auditoría e riscos
A nova conselleira de ABANCA, Leticia Iglesias.
O Consello de Administración de ABANCA aprobou hoxe o nomeamento de Leticia Iglesias como nova conselleira independente da entidade suxeito ás autorizacións regulatorias correspondentes. Leticia Iglesias foi ademais designada polo Consello presidenta da Comisión de Auditoría e Cumprimento.
Tras esta incorporación, o máximo órgano de goberno do banco está composto por oito membros, seis deles independentes, o que supón unha ampla maioría do Consello en liña coas mellores prácticas de gobernación.
A nova conselleira de ABANCA ten unha sólida traxectoria profesional como experta no mundo da auditoría que desenvolveu tanto na esfera pública como na privada co seu paso por Arthur Andersen, CNMV, Instituto de Censores Jurados de Cuentas de España, ou a entidade financeira Banco Mare Nostrum onde, entre outros labores, presidía a Comisión de Risco Global.
Membros do Consello de ABANCA
Tras esta incorporación, o Consello de ABANCA estará formado por Juan Carlos Escotet Rodríguez, presidente, Francisco Botas Ratera, conselleiro delegado e polos vogais, Eduardo Eraña, José García Montalvo, Pedro Raúl López Jácome, José Ramón Rodrigo Zarza, Carina Szpilka Lázaro e Leticia Iglesias.