O Comité de Dirección de ABANCA reúnese en Santiago e visita a exposición ‘Galicia Universal’

O Comité de Dirección de ABANCASerás redirixido a outro sitio web celebrou esta tarde en Santiago de Compostela a súa habitual reunión semanal na que abordan os asuntos estratéxicos da entidade.

Tras a xornada de traballo, o equipo directivo do banco, encabezado polo conselleiro delegado, Francisco Botas, visitou a exposición‘Galicia Universal: a arte nas coleccións de ABANCA e Afundación'Serás redirixido a outro sitio web que pode verse ata o vindeiro 14 de outubro na Cidade da Cultura de Santiago. Durante o percorrido puideron constatar a relevancia de Galicia como foco artístico durante os últimos douscentos anos que se pon de manifiesto en todas as obras expostas.

A mostra reúne 194 obras das coleccións de ABANCA e Afundación, unha selección de pinturas, esculturas, fotografías e instalacións dos artistas galegos máis relevantes desde o primeiro terzo do século XIX ata hoxe, con nomes como Pérez Villaamil, Serafín Avendaño, Sotomayor, Castelao, Maside, Souto, Colmeiro, Laxeiro, Lugrís, Seoane, Maruja Mallo, Jorge Barbi, Manolo Paz, Francisco Leiro, Menchu Lamas ou Antía Moure, entre outros.

Na Biblioteca Galicia da Cidade da Cultura tamén se atopa o Fondo Bibliográfico de ABANCA, composto por 3.214 documentos de gran valor, que a entidade financeira cedeu no ano 2014. Con estas dúas iniciativas, ABANCA cumpre cun dos obxectivos fundamentais que se marcou dentro da súa política de responsabilidade social: compartir o seu amplo patrimonio artístico coa sociedade.