O Consello Asesor de Bankoa ABANCA e a Universidade de Deusto exploran novas vías de colaboración
- Ambas as organizacións mantiveron un encontro no que participaron o presidente de ABANCA, Juan Carlos Escotet Rodríguez, o conselleiro delegado, Francisco Botas, e o reitor da Universidade de Deusto, José María Guibert
- ABANCA lanzou en 2022 o programa de bolsas ‘Juan José Etxeberria Bankoa ABANCA’ e colabora con Deusto Business Open Alumni
Na fila inferior, de esquerda a dereita: Víctor Urzelay Yarza, vicerreitor de Emprendemento e Relacións Empresariais da Universidade de Deusto; Francisco Botas, conselleiro delegado de ABANCA; Juan Carlos Escotet Rodríguez, presidente de ABANCA; José María Guibert Ucín, reitor da Universidade de Deusto; Elena Auzmendi Escribano, vicerreitora de Ordenación Académica, Innovación Docente e Calidade da Universidade de Deusto; e Juan José Etxeberria, presidente do Consello Asesor Bankoa ABANCA.
Na fila superior, de esquerda a dereita: Jose Mari Gastaminza Lasarte, membro do Consello Asesor Bankoa ABANCA; Jesús Suárez, director xeral de Bankoa ABANCA; Ana Arriola Boneta, membro do Consello Asesor Bankoa ABANCA; Miren Loyola Zuloaga, membro do Consello Asesor Bankoa ABANCA; José Eduardo Álvarez-Naveiro, director xeral de Goberno Corporativo e Asuntos Legais de ABANCA; e Esteban Salegui Arbizu, membro do Consello Asesor Bankoa ABANCA.
Descarga en alta resolución Serás redirixido a outro sitio web e abrirase nunha nova ventá
O Consello Asesor de Bankoa ABANCA mantivo hoxe en Bilbao un encontro co equipo reitor da Universidade de Deusto co obxectivo de explorar posibles áreas de actuación que reforcen a colaboración entre ambas as entidades. A cita reuniu ao presidente de ABANCA, Juan Carlos Escotet Rodríguez, ao conselleiro delegado, Francisco Botas, ao director xeral de Bankoa ABANCA, Jesús Suárez, ao consello asesor de Bankoa ABANCA, encabezado polo seu presidente, Juan José Etxeberria, ao reitor da Universidade de Deusto, José María Guibert, e a parte do seu equipo reitoral.
Con esta reunión o banco estreita o seu vínculo coa Universidade de Deusto, institución formativa canteira dun gran número de profesionais, xestores e directivos en exercicio no ámbito xeográfico no que está presente a marca Bankoa ABANCA. De feito, no propio Consello Asesor de Bankoa ABANCA un número importante dos seus integrantes formáronse en Deusto e pertencen á súa organización de exalumnos Deusto Alumni.
No transcurso do encontro, o banco mostrou ao equipo reitoral da Universidade de Deusto o seu interese en participar en foros de debate organizados pola institución educativa, así como en impulsar o intercambio de coñecemento entre o mundo universitario e o sector financeiro.
As futuras iniciativas que nazan deste encontro sumaranse ás desenvolvidas ata este momento de forma conxunta polas dúas organizacións. En 2022 ABANCA lanzou o programa de bolsas ‘Juan José Etxeberria Bankoa ABANCA’, dirixido a estudantes de Deusto Business School para a realización de prácticas remuneradas en PEMES con proxectos de crecemento. Ademais, Bankoa ABANCA participou no foro de emprego organizado na Universidade e colabora con Deusto Business Open Alumni.
ABANCA e a educación superior
De forma máis xeral, o encontro potencia a implicación de ABANCA coa economía e o ecosistema de coñecemento do País Vasco, todo iso enmarcado na súa estratexia xeral de apoio á educación superior e a súa conexión co mundo da empresa. Así, dentro das súas funcións de orientar aos órganos de goberno do banco en relación coa evolución e perspectivas da economía vasca, o Consello Asesor de Bankoa ABANCA fixouse como un dos seus obxectivos atraer o coñecemento e o talento universitario de distintas disciplinas académicas.
Este labor está directamente conectada coas iniciativas que ABANCA vén desenvolvendo desde a súa creación no ámbito educativo, especialmente no seu nivel superior, como o lanzamento da Universidade Intercontinental da Empresa, a creación da Cátedra ABANCA-Afundación/ICADE de Lonxevidade, Economía e Sociedade, ou a colaboración co Máster Universitario en Ciencias Actuariais e Financeiras da Universidade de León (MUCAF), entre outras accións.