O Consello de Administración de ABANCA reúnese por primeira vez en Valencia
- O conselleiro delegado, Francisco Botas, e o resto de conselleiros asistiron á entrega do premio Rei Jaume I de Economía a José García Montalvo
De esquerda a dereita na imaxe, Chelo Borrás Retamero (vicesecretaria non conselleira), Eduardo Eraña Guerra (conselleiro), Carina Szpilka Lázaro (conselleira), Pedro López Jácome (conselleiro), Leticia Iglesias Herráiz (conselleira), José Amorós Amorós (director de zona Mediterráneo), Francisco Botas Ratera (conselleiro delegado), José García Montalvo (conselleiro), Ana da Cunha Barros (conselleira), José Ramón Rodrigo Zarza (conselleiro) e Eduardo Álvarez-Naveiro Sánchez (secretario non conselleiro).
Descarga en alta resolución Serás redirixido a outro sitio web e abrirase nunha nova ventá
O Consello de Administración de ABANCA celebrou a sesión mensual de novembro en Valencia para acompañar ao seu conselleiro José García Montalvo, que hoxe recibiu o premio Rei Jaume I de Economía de mans do rei Felipe VI. José García Montalvo foi premiado “pola súa valiosa e orixinal investigación, clarividente e ligada estreitamente á realidade económica”. É a primeira vez que o Consello se celebra na capital levantina.
Os membros do Consello, encabezados polo conselleiro delegado, Francisco Botas Ratera, celebraron as reunións na oficina principal de ABANCA en Valencia, situada na Praza do Concello. O presidente, Juan Carlos Escotet Rodríguez, participou a través de videoconferencia.
Na Comunidade Valenciana o Grupo ABANCA dispón dunha rede formada por 7 oficinas pertencentes a ABANCA, cun total de 75 empregados, máis outras 3 procedentes de Banco Caixa Geral, entidade recentemente integrada no grupo. A través desta rede de oficinas o Grupo ABANCA presta servizos bancarios nos segmentos de banca minorista, banca de empresas, banca corporativa, comercio exterior, banca persoal e asesoramento.