O FID León Obra Social ABANCA sacará aos leoneses á rúa coas súas actividades paralelas ao Foro

10-05-2018

ABANCASerás redirixido a outro sitio web, a Asociación Golden Dreams TeamSerás redirixido a outro sitio web e o Ayuntamiento de LeónSerás redirixido a outro sitio web presentaron esta mañá na Oficina Principal do banco o programa definitivo do II Foro Internacional del Deporte Obra Social ABANCA Ciudad de León, que se celebrará entre o 15 e o 17 de maio no Teatro San Francisco con algúns dos deportistas máis galardoados do noso país. Entre eles, Lydia Valentín, Jennifer Pareja, Juan Antonio Corbalán ou Fermín Cacho.

O evento inclúe na súa segunda xornada a actividade deportiva aberta ao público xeral ‘Corre con ABANCA e Fermín Cacho’, na que poderán participar todos os leoneses e leonesas de calquera idade que queiran compartir un adestramento e unha pequena carreira pola ribeira do río Bernesga cun dos mellores atletas españois de todos os tempos. O adestramento comezará ás 18.00 horas na Praza de San Marcos e todos os participantes terán unha camiseta conmemorativa de agasallo.

Coa intención firme da organización e os patrocinadores de inculcar o espírito do deporte e a vida sa nos máis novos e en colaboración con Mapfre, durante as dúas primeiras xornadas do FID, pola mañá, varios colexios da capital poderán levar aos seus alumnos á MiniOlimpiada que se realizará no campo de fútbol de herba artificial do barrio da Palomera.

O venres chegará a clausura deste II FID León Obra Social ABANCA coa volta das lendas do Elosúa ao Palacio dos Deportes, onde se vestirán de curto unha vez máis acompañados de xogadores e xogadores dos principais clubs de baloncesto da cidade nun partido All Star.

O partido comezará ás 19.30 horas e cóntase coa charanga da Peña El Tambor na bancada e durante o mesmo sortearanse camisetas e balóns do Elosúa asinados, viaxes por Europa para dúas persoas, lotes de produtos dos patrocinadores do evento e abonos para o Centro Deportivo Supera. Con entrada gratuíta, preténdese que sexa unha festa do baloncesto, un espectáculo e un momento que lembre que León segue sendo unha cidade de baloncesto.

O director territorial de ABANCA en León-Asturias, Marcos Lamas, sinalou que o banco se suma a este evento co obxectivo de “animar a pequenos e maiores a practicar deporte, unha das liñas estratéxicas de actuación da Obra Social ABANCA que busca dar difusión aos valores ligados á actividade física, entre os que destacan a solidariedade, o compañeirismo ou o esforzo”.

Francisco Del Río, director do FID León mostrábase “contento de poder cumprir un dos nosos obxectivos principais nesta segunda edición, sacar o FID á rúa e que os leoneses o poidan gozar. Estou seguro que a carreira será un éxito, como o ano pasado, e o volver xuntar aos xogadores do Elosúa na cancha na que deron tantas alegrías a esta cidade será algo histórico ao que esperamos asistan miles de persoas.”

As entradas do FID León seguen á venda para as dúas primeiras xornadas, ‘A evolución da muller no deporte’ e ‘Os ídolos no Deporte’ na web FIDLeon.orgSerás redirixido a outro sitio web por tan só 7,50 euros.

Na xornada dos ídolos no deporte o mércores 17 de maio incorpóranse ao cartel o saltador cubano Campión Olímpico e 4 veces Campión do Mundo Iván Pedroso, unha das figuras máis importantes do atletismo internacional. E o ex xogador do Real Madrid, da famosa ‘Quinta do Buitre’ Rafael Martín Vázquez, gañador de 6 ligas co equipo madrileño.

Xuntos completan unha nómina de luxo para este II Foro Internacional do Deporte Obra Social ABANCA Cidade de León.

Os deportistas protagonistas de cada unha das xornadas visitarán previamente a Oficina Principal de ABANCA en León, onde asinarán autógrafos a todos os leoneses interesados en coñecelos e conseguir un recordo.

Para máis información e para seguir a conversación nas redes sociais as contas do FID León e os hashtags do evento son os seguintes:

Twitter: @FIDLeon18 Facebook: FID León Instagram: @fidleon Hashtags: #FIDLeon18 #LeonCapitalDelDeporte