O presidente e o CEO de ABANCA reúnense con empresarios ourensáns en Valdeorras
- ABANCA reforza o seu compromiso coa provincia de Ourense con diferentes actividades celebradas no día de hoxe
- A axenda incluíu visitas a Cupa Group e á oficina do banco no Barco, ademais dun encontro co persoal do banco na comarca
Encontro do presidente e o conselleiro delegado de ABANCA con empresarios de Ourense.
Descarga en alta resolución Serás redirixido a outro sitio web e abrirase nunha nova ventá
Encontro do presidente e o conselleiro delegado de ABANCA co equipo do banco na comarca de Valdeorras.
Descarga en alta resolución Serás redirixido a outro sitio web e abrirase nunha nova ventá
Visita do presidente e o conselleiro delegado de ABANCA á oficina da entidade no Barco de Valdeorras.
Descarga en alta resolución Serás redirixido a outro sitio web e abrirase nunha nova ventá
ABANCA celebrou no día de hoxe diferentes actividades na comarca de Valdeorras para reafirmar o seu compromiso coa provincia de Ourense, e en especial coa súa zona nororiental tras a onda de incendios deste verán. A xornada tivo un marcado carácter empresarial e contou coa participación do presidente do banco, Juan Carlos Escotet Rodríguez, e o conselleiro delegado, Francisco Botas.
É a segunda ocasión no último mes e medio na que ABANCA celebra actividades de relevancia en Ourense, tras a sesión do Consello de Administración, máximo órgano de goberno do banco, que tivo lugar o pasado 29 de setembro. Nela ratificouse o Plan de Acción da entidade para apoiar aos colectivos afectados polos incendios en Galicia, León e Estremadura.
Encontro con empresarios
Como parte da axenda da xornada de hoxe, o presidente e o conselleiro delegado de ABANCA mantiveron un encontro con empresarios e responsables de organizacións empresariais de especial relevancia na comarca. A cita serviu para analizar a contorna económica actual e para reiterar o apoio da entidade financeira ao tecido produtivo ourensán. Tamén no plano empresarial, os directivos do banco visitaron as instalacións de Cupa Group e unha das súas canteiras.
Doutra banda, a xornada incluíu unha visita á oficina de ABANCA no Barco de Valdeorras e un encontro co equipo das demais oficinas da entidade na comarca.
Entidade financeira líder en Ourense
ABANCA lidera o mercado financeiro de Ourense e é tamén o principal financiador do seu tecido económico. Ademais xoga un papel esencial na inclusión financeira da súa poboación, ao dispoñer de 82 oficinas na provincia e ser a única entidade financeira en 59 dos seus concellos.