O Principado e ABANCA impulsan a aceleración de empresas emerxentes innovadoras en Asturias
O director de Banca Institucional de ABANCA, Santiago Novoa, coas directoras do Instituto de Desarrollo Económico del Principado (IDEPA) e do Centro Europeo de Empresas e Innovación (CEEI), Eva Pando e Cristina Fanjul.
Descarga en alta resolución Serás redirixido a outro sitio web e abrirase nunha nova ventá
O Principado e ABANCA unen os seus esforzos para potenciar a aceleración de proxectos innovadores impulsados por empresas emerxentes no Principado mediante a posta en marcha de medidas de apoio financeiro e asesoramento.
As directoras do Instituto de Desenvolvemento Económico do Principado (IDEPA) e o Centro Europeo de Empresas e Innovación (CEEI), Eva Pando e Cristina Fanjul, asinaron hoxe un acordo co director de Banca Institucional da entidade, Santiago Novoa, que favorecerá a colaboración público-privada para impulsar a innovación, o desenvolvemento tecnolóxico e a dixitalización dos procesos produtivos das empresas asturianas.
Este convenio diríxese a proxectos orientados a mellorar a banca tradicional con solucións dixitais que consigan crear un impacto positivo na sociedade. Trátase de iniciativas como fintech (financiamento&tecnologia), insurtech (seguros&tecnoloxía), regtech (regulación&tecnoloxía) e, en xeral, solucións tecnolóxicas financeiras.
As empresas seleccionadas contarán co apoio personalizado, a experiencia e o know-how dos directivos da entidade financeira, así como dos expertos propostos polo CEEI, durante 12 meses.Ademais, poderán acceder a préstamos participativos de entre 15.000 e 60.000 euros.
Esta iniciativa desenvolverase nun espazo coworking personalizado e situado nas instalacións do CEEI, no Parque Tecnolóxico de Asturias.