Os voluntarios de ABANCA recollen 401 quilos de residuos na praia da Lanzada

11-03-2019

Un grupo de 59 voluntarios de ABANCA e Afundación participou esta fin de semana nunha xornada de limpeza na praia da Lanzada, unha das máis emblemáticas do litoral galego e incluída dentro do perímetro da Rede Natura 2000.

Durante a xornada lograron recoller un total de 401,2 quilos de residuos. Os plásticos supuxeron a maior parte, con 386,2 quilos, mentres que os restantes se repartiron entre restos de madeira con compostos inorgánicos (28 quilos) e unha leve fracción de vidro (5 quilos).

Tras os labores de limpeza, os participantes realizaron unha ruta interpretativa capitaneada por expertos do Grupo Naturalista HábitatSerás redirixido a outro sitio web co obxectivo de poñer en valor a riqueza natural que atesoura a zona e concienciar sobre a importancia de garantir a súa conservación.

Novas actividades nas próximas semanas

Esta acción enmárcase dentro do proxecto ‘Traballando pola mellora do patrimonio natural’ do banco e a súa obra social, que inclúe distintas actividades para a posta en valor e conservación do medio natural. Concretamente, o vindeiro sábado 16, os voluntarios desprazaranse ao municipio de Salceda de Caselas, unha área especialmente afectada polos incendios forestais de 2017, para desenvolver unha xornada de reforestación e retirada de especies invasoras.