Preto de 200 nenos e nenas de ABANCA ReSuena gozan dun ensaio moi especial con Gustavo Dudamel
- O mestre transmitiulles a importancia de esforzarse por alcanzar os seus soños e gozar co que fan
- O director visitou o CEIP Alborada de Elviña, un dos núcleos do proxecto que desenvolve coa Orquestra Sinfónica de Galicia co apoio do banco
- 186 alumnos e alumnas compartiron uns minutos de ensaio co mestre e demostráronlle as habilidades adquiridas nas clases
Gustavo Dudamel dirixe aos nenos e nenas das orquestras ABANCA ReSuena en presenza de Juan Carlos Escotet Rodríguez, presidente de ABANCA, Miguel Ángel Escotet, director xeral de RSC e Comunicación de ABANCA, e Diego Zecharies, director musical do proxecto.
Descarga en alta resolución Serás redirixido a outro sitio web e abrirase nunha nova ventá
Dudamel saúda a algúns dos pequenos músicos.
Descarga en alta resolución Serás redirixido a outro sitio web e abrirase nunha nova ventá
O director de orquestra recibe un regalo dos nenos e nenas que participan no proxecto.
Descarga en alta resolución Serás redirixido a outro sitio web e abrirase nunha nova ventá
Descarga los contenidos anexos
O director de orquestra Gustavo Dudamel visitou esta mañá uno dos núcleos do proxecto ABANCA ReSuena na Coruña, o CEIP Alborada de Elviña, onde 186 nenos e nenas que participan na iniciativa realizaban un ensaio.
Os alumnos e alumnas recibiron ao mestre coa interpretación de ‘Chamambo’, de Manuel Artés, e escoitaron con atención a súa mensaxe. Dudamel explicoulles que na súa infancia tamén participou nun programa cunha filosofía similar e transmitiulles que “deben crer no que fan e traballar fortemente por alcanzar os seus soños” pero que “o máis importante é gozar porque tocar nunhas orquestra é, sobre todo, divertido”.
Os pequenos músicos, con idades comprendidas entre os 5 e os 12 anos, viviron un momento que non esquecerán cando Dudamel colleu a batuta para dirixilos nunha nova interpretación de ‘Chamambo’. Durante o encontro tamén tiveron ocasión de conversar con el, facerse fotos para inmortalizar o momento e que lles asinase as partituras das dúas composicións que tocaron no ensaio, a obra de Manuel Artés e o ‘Himno da alegría’ de Beethoven.
Gustavo Dudamel estivo acompañado nesta visita ao núcleo de ABANCA ReSuena polo presidente do banco, Juan Carlos Escotet Rodríguez, o seu director xeral de Responsabilidade Social Corporativa e Comunicación, Miguel Ángel Escotet, e o director de ABANCA ReSuena e contrabaixo da OSG, Diego Zecharies. ABANCA promove esta visita a Galicia do afamado director de orquestra dentro da segunda edición de Palabras para Galicia de ABANCA, que terá o seu momento cume mañá venres na Praza do Obradoiro cando Dudamel dirixirá á Orquestra Sinfónica de Galicia na interpretación da Novena Sinfonía de Beethoven.
ABANCA ReSuea é unha iniciativa que desenvolve a Orquestra Sinfónica de Galicia e que conta co apoio do banco desde os seus inicios en 2014. Na actualidade conta con dous núcleos, o CEIP Alborada de Elviña e o Centro Cívico de Monte Alto, e participan nel 186 nenos e nenas.
Dudamel é un gran coñecedor deste tipo de proxectos xa que el mesmo formou parte de El Sistema, o coñecido programa venezolano de orquestras e coros que lle permitiu desenvolver a súa brillante carreira artística. Pola súa experiencia persoal ten a firme convicción de que a música é un elemento crave para a transformación social e así o demostrou ao longo da súa traxectoria, actuando como promotor de proxectos similares en países tan dispares como Estados Unidos ou Suecia.