Profesionais de ABANCA participarán nunha campaña especial de doazón de sangue da Axencia de Doazón de Órganos e Sangue

  • As unidades móbiles de ADOS desprazaranse a próxima semana ás inmediacións das oficinas principais de ABANCA nas sete grandes cidades galegas.

Un dos profesionais de ABANCA que participaron na campaña de 2015 accedendo á unidade móbil de ADOS.

Descarga en alta resolución Serás redirixido a outro sitio web e abrirase nunha nova ventá

A Axencia de Doazón de Órganos e Sangue (ADOS) e ABANCA colaboran na posta en marcha dunha campaña especial de doazón de sangue que permitirá que os profesionais do banco doen sangue nesta recta final de ano. As unidades móbiles de ADOSSerás redirixido a outro sitio web achegaranse ao longo da vindeira semana ata lugares próximos ás oficinas principais de ABANCASerás redirixido a outro sitio web das sete grandes cidades galegas.

Nas xornadas previas aos desprazamentos das unidades móbiles, ABANCA informará a todos os seus profesionais sobre esta iniciativa e animaraos a unirse a este xesto solidario.

Desprazamentos previstos

Os desprazamentos que comprende esta campaña da Axencia de Doazón de Órganos e Sangue nas sete grandes cidades galegas son os seguintes:

  • LUNS 28 DE NOVEMBRO: Zona Obelisco (A Coruña)
  • MARTES 29 DE NOVEMBRO: Praza de Armas (Ferrol)
  • MÉRCORES 30 DE NOVEMBRO: Praza Maior (Lugo), Rúa do Paseo (Ourense), Praza da Ferrería (Pontevedra) e Rúa Príncipe (Vigo).
  • XOVES 1 DE DECEMBRO: Praza Maior (Lugo), Rúa do Paseo (Ourense) e Praza de Galicia (Santiago).

En todas as anteditas visitas, as unidades móbiles atenderán a todas as persoas que desexen colaborar en horario das 09:30 ás 14:30 e das 15.30 ás 21:00 horas.

Campaña anterior

A Axencia de Doazón de Órganos e Sangue desexa amosar o seu agradecemento a ABANCA polas facilidades prestadas para o desenvolvemento desta iniciativa que xa tivo o seu precedente o pasado ano coa participación de 361 traballadores e traballadoras. Neste sentido, ADOS quere facer extensivo o seu recoñecemento a todos os profesionais que doaron sangue na campaña do ano 2015, e animar a todos os traballadores e traballadoras a que participen na presente edición, xa que o período previo ás vacacións de Nadal resulta especialmente sensible e faise preciso reforzar o permanente chamamento á participación dos doadores de sangue.