Revive o concerto de Gustavo Dudamel de Palabras para Galicia de ABANCA en La 2 de Televisión Española e Televisión de Galicia
- La 2 de TVE emitirá o evento na madrugada do luns 24 de xullo, mentres que a TVG fará o propio mañá pola súa segunda canle e o domingo na principal
- A retransmisión recolle o evento dirixido na praza do Obradoiro de Santiago de Compostela polo director venezolano coa Orquestra Sinfónica de Galicia e o Orfeón Donostiarra.
Descarga en alta resolución Serás redirixido a outro sitio web e abrirase nunha nova ventá
Televisión Española e Televisión de Galicia emitirán o concerto dirixido por Gustado Dudamel coa Orquestra Sinfónica de Galicia e o Orfeón Donostiarra celebrado o pasado 7 de xullo na praza do Obradoiro de Santiago de Compostela con motivo da celebración da segunda edición de Palabras para Galicia de ABANCA.
No caso de La 2 de TVE, a cita será a madrugada do luns día 24 de xullo ás 00.20 horas, despois da película do programa “Versión Española”. Doutra banda, TVG emitirá o concerto mañá ás 22.45 horas pola súa segunda canle (TVG2) e o domingo día 23 ás 11.15 horas pola principal.
Os telespectadores poderán seguir a exquisita interpretación da Novena Sinfonía de Beethoven que os máis de 200 músicos da formación musical e o coro realizaron baixo a batuta do mestre venezolano ante máis de 4.000 persoas.