ABANCA abre as portas do Espacio Avenida no primeiro trimestre de 2025
- O edificio está destinado á atención e xestión de clientes, e responde o modelo comercial de ABANCA: sostible, aberto, colaborativo e dixital
Recreación da fachada do edificio do Cine Avenida na Coruña tras a súa rehabilitación.
Descarga en alta resolución Serás redirixido a outro sitio web e abrirase nunha nova ventá
Dous anos despois, ABANCA dá por finalizadas as obras para transformar o antigo Cine Avenida nun edificio corporativo que terá un marcado carácter de negocio. As obras, nas que participaron unha trintena de empresas, fixeron posible a recuperación dun edificio emblemático e ata o de agora sen uso, mantendo o valor arquitectónico do inmoble.
O Cine Avenida recupera a cor orixinal da fachada e será visible a partir de hoxe ao retirar os andamios que cubrían a súa fachada. Ata a súa apertura no primeiro trimestre de 2025, completaranse tarefas de dotación tecnolóxica e mobiliario, rotulación e detalles de interiorismo, ademais de liquidar os últimos trámites administrativos.
Espacio Avenida é un edificio destinado á atención e xestión cos clientes. Ten dous usos principais: zona comercial e espazo destinado para equipos que dean soporte ás unidades comerciais. Na planta baixa contará cun flagship store do Novo Modelo de Oficina de ABANCA que reproduce o modelo comercial da entidade financeira: sostible, aberto, colaborativo e dixital.