ABANCA acode á capitalización da débeda de Nueva Pescanova para asegurar a súa viabilidade e o emprego
- Fronte a fondos acredores, de perfil especulativo, contrarios á supervivencia de Nueva Pescanova, a entidade mantén o apoio financeiro.
- ABANCA adquire o 7.94% de títulos até agora propiedade de Merrill Lynch- Bank of America. Tras esta compra, é titular do 88.40% do Grupo Nueva Pescanova.
Descarga en alta resolución Serás redirixido a outro sitio web e abrirase nunha nova ventá
ABANCA decidiu acudir á próxima ampliación voluntaria de capital que anunciou Nueva Pescanova. Con esta decisión confirma o seu apoio ás empresas galegas máis estratéxicas e ao mantemento do emprego na Comunidade. A entidade financeira adquiriu recentemente o 7.94% dos títulos de Merrill Lynch- Bank of America, e alcanza o 88.40% das accións de Nueva Pescanova.
ABANCA ten o 84% da débeda estruturada de Nueva Pescanova e capitalizará esa débeda na súa totalidade para asegurar a viabilidade da pesqueira a longo prazo, obxectivo para o que non contou en ningún momento co apoio dun grupo de accionistas e acredores de perfil especulativo.
ABANCA considera que debe seguir liderando esta nova etapa e asumir o esforzo financeiro necesario para a sostibilidade de Nueva Pescanova. A diferenza dos plans dos investidores e acredores que avogaron por trocear a compañía e liquidala por partes, ABANCA apoia o plan estratéxico do equipo xestor e opta por manter a compañía integrada para, unha vez saneada financieramente, continuar impulsando un modelo de negocio estable.
Nueva PescanovaSerás redirixido a outro sitio web arrastra 643 millóns de euros de débeda concursal da antiga Pescanova. Coa capitalización de débeda, a compañía estará saneada, cuns fondos propios robustos e a capacidade de desenvolver o seu negocio sen o lastre que supón a débeda actual. O Grupo Nueova Pescanova é un dos líderes mundiais en pesca, acuicultura, elaboración e comercialización de produtos do mar. Emprega a máis de 10.000 persoas en Europa, África, Asia e América e vende os seus produtos en máis de 80 países dos cinco continentes.
Desde o seu nacemento en 2014, ABANCA mantivo unha vocación de apoio ao tecido empresarial galego, e en particular ao complexo industrial relacionado co mar, no que Galicia é unha das comunidades punteiras no mundo.