ABANCA activa novas opcións para responder ás necesidades das confrarías do norte de Pontevedra
- O banco aborda un ano máis cos representantes dos principais pósitos da ría a situación do sector e reforza o seu traballo conxunto
- A experiencia do banco, que conta coa unidade especializada ABANCA Mar, serve para achegarse á realidade do colectivo e deseñar solucións a medida
A directora territorial de ABANCA en Pontevedra, Carmen Fernández (sexta pola dereita) e o director de ABANCA Mar, Javier Fraga (terceiro pola esquerda), coas confrarías.
Descarga en alta resolución Serás redirixido a outro sitio web e abrirase nunha nova ventá
Instante da reunión entre os representantes de ABANCA e das confrarías pontevedresas.
Descarga en alta resolución Serás redirixido a outro sitio web e abrirase nunha nova ventá
ABANCA reafirma o seu compromiso co mundo do mar do norte da provincia de Pontevedra un ano máis e renova os convenios de colaboración que mantén coas principais confrarías do norte da provincia de Pontevedra. A entidade financeira e os representantes dos pósitos deste territorio escenificaron esta tarde o impulso común aos desafíos do sector pesqueiro nun acto celebrado na sede de Afundación en Pontevedra.
Ao acto de sinatura asistiron Carmen Fernández, directora territorial de ABANCA en Pontevedra, e Javier Fraga, director de ABANCA Mar, que estiveron acompañados por representantes das confrarías de pescadores pontevedresas e doutros representantes de ABANCA Mar e da rede comercial do banco nestas áreas.. A firma do convenio foi só a primeira parte dunha sesión de traballo na que abordaron os principais retos aos que se enfrontan os pósitos, entre os que destacan a sostibilidade e a mellora da competitividade.
Un texto adaptado á realidade do sector
Coa sinatura destes acordos financeiros, ABANCA dá un paso máis para ofrecer solucións ás necesidades deste colectivo. Cuestións como a renovación da frota, a falta de relevo xeracional, a aposta pola sostibilidade, os escenarios de baixa produtividade, a mortandade e a escalada de custos debido á actual situación xeopolítica son só algúns dos aspectos que atopan resposta tras a sinatura.
Para iso, o banco ofrece unha resposta integral e múltiples solucións de financiamento adaptadas ás necesidades do día a día, así como a grandes investimentos. Ademais, o novo acordo asinado con cada confraría ofrece propostas a medida para situacións como paros biolóxicos, a elevada mortandade ou o incremento dos custos da actividade corrente.
Un dos aspectos que gaña protagonismo no novo acordo é a sostibilidade. En términos prácticos, a entidade financeira ofrece alternativas para a renovación da frota e a súa substitución por embarcacións máis eficientes. Repiten un ano máis produtos altamente demandados, como a hipoteca naval, que se configura como unha opción clave para a substitución de embarcacións por outras máis eficientes, máis respectuosas co medio ambiente e seguras. Todo isto compleméntase con opcións de financiamento deseñadas para promover a sostibilidade, ofrecendo condicións máis atractivas para o colectivo pesqueiro.
Esta firma en común inclúe un total de 14 confrarías de pescadores (A Illa, Bueu, Cambados, Carril, Lourizán, Marín, O Grove, Pontevedra, Portonovo, Raxó, Sanxenxo, Vilaboa, Vilanova e Vilaxoán) e a lonxa de Campelo. Ademais, súmase a outra serie de acordos similares que o banco mantén nas tres provincias costeiras de Galicia.